GEMSBOK-BERGSIG: Lede van die Namakwa Distrikstaakspan het twee manlike verdagtes vasgetrek, wat na bewering van Nababeep op pad was met dwelms wat hulle in Bergsig gaan haal het.
Die verdagtes was na bewering in 'n wit Toyota Corolla op pad.
Polisielede het vinnig gereageer en die voertuig in Waterkant, Bergsig, opgemerk.
Toe hulle die polisie opmerk, het die verdagtes probeer om arrestasie te ontduik, maar is in Maarmanstraat, Bergsig, voorgekeer.
Tydens die deursoeking het lede mandrax-tablette ontdek wat aan die passasierskant van die voertuig versteek was. Die geraamde straatwaarde van die gekonfiskeerde dwelms is R33 800.00.
Twee verdagtes, 24 en 25 jaar oud, is in hegtenis geneem vir dwelmhandel en sal binnekort in die landdroshof verskyn. Die Namakwa SAPS bly daartoe verbind om 'n #veiligerfeesseisoen te verseker deur dwelms uit ons gemeenskappe te verwyder en oortreders voor die gereg te bring.
Onwettige drank en dwelmhandel in Hantam kry knou
GEMSBOK-CALVINIA: As deel van die voortgesette Operasie Veiliger Feesseisoen, het lede van Nieuwoudtville SAPD, ondersteun deur Calvinia Misdaadintelligensie, twee suksesvolle operasies uitgevoer wat onwettige drank- en dwelmaktiwiteite in Nieuwoudtville geteiken het.
Die gesamentlike operasies is uitgevoer vanaf 20:00 op 13 November 2025 tot 06:00 op 14 November 2025.
Tydens die eerste operasie is ‘n onwettige sjebien deursoek, wat gelei het tot die inhegtenisneming van ‘n 46-jarige man vir die handel in onwettige alkohol. Drank ter waarde van ongeveer R990-00 is gekonfiskeer, sowel as kontant wat vermoedelik die opbrengs van onwettige verkope is.
Gemeenskap verpletter na wrede aanval op paartjie
GEMSBOK-UPINGTON: Terwyl die gemeenskap hier nog gesukkel het om hulself teen die skokgolwe van die wrede aanval op ‘n bejaarde paartjie te staaf, het lede van Upington Speurders en Sigbare Polisiëring, bygestaan deur kollegas van D-skof van die Snelwegpatrollie sowel as LCRC, onvermoeid gewerk om die aanvaller op te spoor en te arresteer.
Die 36-jarige verdagte, Guilliano Giovani Maasdorp, wat vermoedelik verantwoordelik was vir die aanval op die bejaarde paartjie gedurende die vroeë oggendure van 15 November 2025 in Oosterville, Upington, is in hegtenis geneem en het die res van die naweek in die selle by die Upington-stasie deurgebring.
Polisie onderskep miljoene rande se dwelms in emmer rys
GEMSBOK-GROBLERSHOOP: Die SAPD in die ZFM-distrik het dwelmhandelaars ‘n swaar slag toegedien toe ‘n 55-jarige man op Vrydag 14 November 2025 in Groblershoop in hegtenis geneem en dwelms gekonfiskeer is.
Die niksvermoedende handelaar is by ‘n padblokkade voorgekeer met ‘n besending dwelms met ‘n geraamde waarde van byna twee miljoen rand.
Die lede van Groblershoop Vispol was besig met ‘n padblokkade as deel van Shanela Operasie 2 hoëdigtheidsaksies buite Groblershoop toe die voertuig vir roetine-inspeksie voorgekeer is.
Sakeman na bewering langs die N7 geroof
GEMSBOK-NABABEEP: Die Nababeep SAPD ondersoek ‘n saak van roof na aanleiding van ‘n voorval wat op Woensdag 12 November 2025 omstreeks 14:00 op die N7 naby Okiep plaasgevind het.
Volgens die klaer, ‘n 49-jarige buitelandse sakeman, was hy op pad van Windhoek na Kaapstad vir besigheid toe die beweerde voorval plaasgevind het.
Hy beweer verder dat ‘n onbekende wit voertuig hom verbygesteek en skielik voor sy voertuig naby die brug in Okiep gestop het.
Met die stilhou van die voertuig het twee onbekende mans uit die wit voertuig geklim en hom genader.
More Articles …
