GEMSBOK-UPINGTON: Erica Strauss sê die gebrek aan bestuur by die De Duine-stortingsterrein in Upington is nou amptelik onder die aandag van die Suid-Afrikaanse Menseregtekommissie (SAHRC) gebring, nadat onwettige brande by die stortingsterrein die luggehalte ernstig beïnvloed het.
Strauss sê vure word amper daagliks aangesteek deur mense wat die grond onwettig beset of toegang tot die stortingsterrein verkry. Dit is ten spyte van die teenwoordigheid van sekuriteit en gereelde ingrypings deur die brandweer.
Die herhaalde brand veroorsaak dik rook wat nabygeleë inwoners, gastehuise en padgebruikers op die N14 affekteer.

GEMSBOK-PORT NOLLOTH: Terwyl die provinsie homself gereed maak vir die toestroming van vakansiegangers na ons kuslyn, damme en riviere, het kapteins en duikers van die SAPD-duikeenhede in die Noord-Kaap voorberei, opgelei, verfris en hulself gereed gemaak vir hierdie hektiek tydperk soos besoekers na die water stroom.
Duikers en kapteins van die Noord-Kaap, saam met hul eweknieë van die Vrystaat, het deelgeneem aan ‘n intensiewe oefen-operasie genaamd “Navalis Exercitatio”, vertaal uit Latyn - wat Vlootoefening beteken, om hulle geestelik en operasioneel voor te berei vir enige voorval wat in en op die water mag voorkom.

GEMSBOK-BENDALL: Die Noord-Kaapse Provinsiale Inisiasiekoördineringskomitee (PICC) het verlede week  ‘n onwettige inisiasieskool wat in Bendall, in die John Taolo Gaetsewe (JTG)-distrik, bedryf word, gesluit en ‘n strafsaak by die SAPD aanhangig gemaak.
Woordvoerder van die Departement van Samewerkende Regering, Menslike Nedersettings en Tradisionele Sake (Coghsta), Babalwa Mzambo, het gesê die komitee het die skool Dinsdag geverifieer nadat hulle ‘n wenk ontvang het.
“Geen inisiasieskole was gemagtig om in die JTG-gebied te opereer volgens die goedgekeurde inisiasieskedule vir die huidige seisoen nie.

GEMSBOK-KURUMAN: Die vier jong mans wat aangekla word van die wrede aanranding en moord op die 81-jarige boer Hendrik Venter op sy plaas Kameelaar, naby Kuruman, sal volgende jaar terugkeer na die Kuruman-distrikshof.
Venter het ook drie ander plase besit – Adams, Middelplaas en Selsden – en was aktief betrokke by die bestuur van al hul bedrywighede.
Die beskuldigdes – Kabelo Tata, 27, Orabile Motswakgosi, 25, Tshoganetso Tata, 19, en Pitso Bogodile, 21 – het hierdie week in die Noord-Kaapse Hooggeregshof verskyn, waar hulle teregstaan ​​op aanklagte van gewa- pende roof met verswarende omstandighede en moord.