GEMSBOK-PRIESKA: Rolspelers, organisasies en inwoners van die Siyathemba-munisipaliteit verwelkom die proklamasie deur President Cyril Ramaphosa, wat die Spesiale Ondersoekeenheid (SIU) magtig om bewerings van wanadministrasie en korrupsie in finansiële sake wat van 2016 tot nou terugdateer, te ondersoek.
Oor die jare het bekommernisse oor die kritieke gebrek aan finansiële toesig binne die munisipaliteit, veral die disfunksionaliteit van die Munisipale Openbare Rekeningkomitee (MPAC), op dowe ore geval.
Hierdie komitee is verantwoordelik vir die ondersoek van finansiële state en ouditverslae en aanbevelings. Dit is ook gemagtig om onreëlmatige uitgawes te ondersoek.
Noord-Kaapse man gevonnis vir wrede bylaanval op suster
GEMSBOK-UPINGTON: ‘n 32-jarige beskuldigde, Trevor Isaacs, is tot 15 jaar tronkstraf gevonnis in die Upington-streekhof nadat hy skuldig bevind is aan die wrede aanval op sy suster, wat hy met ‘n byl aangerand het.
Die woordvoerder van die Nasionale Vervolgingsgesag (NVG) in die Noord-Kaap, Mojalefa Senokoatsane, het gesê die beskuldigde se 39-jarige suster het haar broer uitgevra oor sy besluit om geld aan alkohol en dwelms te spandeer, in plaas daarvan om kos of elektrisiteit te koop, aangesien hul kragtoevoer op 7 Julie afgesny is.
Steinkopf-polisie lê beslag op dagga ter waarde van R7.7 miljoen
GEMSBOK-STEINKOPF: Polisie hier het op dagga met ‘n geraamde straatwaarde van R7.7 miljoen tydens roetine-patrollies naby Steinkopf beslag gelê.
Volgens die SAPD was lede van die Steinkopf-polisie Woensdagoggend besig met patrollies toe hulle ‘n verdagte voertuig vol bokse agterop gewaar het.
Die polisie het die voertuig deursoek en ongeveer 64.8 kilogram dagga in die bokse ontdek.
Twee mans, albei 33 jaar oud, is op die toneel in hegtenis geneem.
Petisie is by Gesondheidsdienste oorhandig
GEMSBOK-UPINGTON: 'n Petisie is verlede Maandag (27 Oktober) by die distrikkantore van die departement van gesondheidsdienste oorhandig.
Dit hou verband met die gebrekkige en onvoldoende gesondheidsfasiliteite in die Leseding-en-Louisvaledorp-omgewings. Die petisie is deur Surine Mbata, voorsitter van Wyk 12 namens die woonbuurte van Leseding, Louisvaledorp en Raaswater oorhandig aan die distriksdirekteur van die ZFM-gesondheidsdienste, Max Baketsana.
In die griefskrif word daar melding gemaak oor die erns en belangrikheid van kliniekdienste in daardie agtergeblewe gemeenskappe wat vir hulle 'n groot uitdaging en 'n voortslepende maatskaplike probleem geword het, vir etlike jare.
Baie van die siekmense van Leseding en Louisvaldorp word genoop om die ver afstand na Raaswater se kliniek soms te ryloop vir mediese behandeling wanneer hulle nie vervoer het nie. Vir baie kan die terugtog huiswaarts gevaarlik wees wanneer dit laat in die dag word.
Kai !Garib Munisipaliteit se ontbinding word geëis
GEMSBOK-KAI !GARIB: Die verskillende organisasies, rolspelers en inwoners van die Kai !Garib Plaslike Munisipaliteit voel dat COGHSTA en die premier, dr. Zamani Saul, moet reageer op ‘n voorlopige aanbeveling deur die Kommissaris van die Suid-Afrikaanse Menseregtekommissie (SAHRC), dr. Henk Boshoff, dat die Kai !Garib-raad ontbind moet word.
Die algemene konsensus is dat, met die volledige disfunksionaliteit van Kai !Garib-munisipaliteit wat tydens die voortgesette openbare ondersoek blootgelê is, die haglike toestand van hierdie munisipaliteit nie meer geïgnoreer kan word nie.
Ten spyte van ‘n bultende personeelkomponent van meer as 400 werknemers, is dienslewering nie-bestaande.
More Articles …
