GEMSBOK-UPINGTON: Die Hooggeregshof van Suid-Afrika, Noord-Kaapse Afdeling, sittende as ‘n rondgaande hof in Upington, het drie individue skuldig bevind in verband met die wrede moord en roof van die 71-jarige afgetrede sakevrou, Judith Redelinghuys. 
Die voorval het plaasgevind tydens die COVID-19-harde inperking in Junie 2020 by haar woning in ‘n veilige behui-     singskompleks in Upington. 
Die beskuldigdes – Tumelo Mavlenter Sotho (Beskuldigde 1), Martatjie Engelbrecht (Beskuldigde 2), en Nkosinathi Ntombela (Beskuldigde 3) – het aanklagte van roof met verswarende omstandighede, moord en regsverydeling in die gesig gestaar.

GEMSBOK-PABALLELO: In ‘n onverwagte kinkel waardig van ‘n TV-misdaaddrama, het polisiebeamptes in Upington se ondersoek die term, “vrugte afgewerp”, na ‘n nuwe vlak geneem toe hulle ‘n voorraad dwelms ontdek het wat – letterlik – in die bome versteek was.
Noord-Kaapse polisiewoordvoerder, sersant Omphile Masegela, het gesê dat die SAPD in Paballelo, op ‘n wenk van ‘n oplettende gemeenskapslid, op die groen wegsteekplek gefokus het, waar hulle tik en dagga in die takke ontdek het, met ‘n geraamde straatwaarde van R246 450.
Alhoewel geen verdagtes op die lowerryke toneel van die misdaad gevind is nie, is ‘n ondersoek geopen  en die polisie sê ondersoeke is aan die gang.
Die distrikskommissaris vir ZF Mgcawu, generaal-majoor Monica Sebili, het beide die vinnige optrede van die beamptes en die gemeenskapslid wat die fluitjie geblaas het, geprys.
Sy het opgemerk dat hierdie vlak van waaksaamheid en spanwerk presies is wat nodig is om die dwelmplaag wat ons gemeenskappe teister, wortel en tak uit te roei.
 

GEMSBOK-UPINGTON: Pogings om die naamsverandering van een van Upington se hoofstrate deur te druk, is volgens AfriForum onbillik aangesien die voorgenome verandering nie aan ’n behoorlike openbare deelnameproses onderwerp is nie. 
AfriForum eis dat die proses onmiddellik gestaak word en dat ’n inklusiewe openbare deelnameproses gevolg moet word. 
Die kritiek volg op die Dawid Kruiper Plaaslike Munisipaliteit se planne om Schröderstraat na Q.A. Gubulastraat te hernoem. Q.A. (Alfred) Gubala was die leier van die United Democratic Front (UDF) in die Noord-Kaap en het gedurende die 1980’s opstande in Upington gelei.
 Benewens die prosedurele probleme is dit ook, volgens die burgerregteorganisasie, ’n doelbewuste poging om die verandering van ’n naam wat groot historiese betekenis het, op ’n eksklusiewe en ondeursigtige wyse te dryf.

GEMSBOK-UPINGTON: Die Dawid Kruiper Munisipaliteit is van plan om Schröderstraat op Upington se naam na QA Gubulastraat te verander en dit lyk asof hulle die proses so vinnig moontlik aan die gang wil sit.
Gerugte oor die beplande naamsverandering het lank voor ‘n amptelike raadsvergadering reeds begin gons en het hewige reaksie vanaf die pu-bliek uitgelok.
Op navraag oor die gerugte het mnr Patrick Williams, kommuniksiehoof vir DKM, die gerugte bevestig.
Hy het aan die Gemsbok gesê die DKM munisipale advieskomitee  het besluit dat die aansoek vir die hernoeming van Schröderstraat na Alfred Qayiso Gubulastraat aanvaar word en dat ‘n openbare deelnameproses begin word. 
Die openbare deelnameproses sal vir die volgende 21 dae vanaf 11 Julie 2025 tot 1 Augustus 2025 duur.