GEMSBOK-STEINKOPF: Die Noord-Kaap het hierdie week, met die terugkeer van die voorvaderlike Khoi- en San-oorskot vanaf die Hunterian Museum aan die Universiteit van Glasgow in Skotland, ‘n diepgaande oomblik van herinnering en herstel gevier.
Die formele tuiskomseremonie het op 17 Oktober by die Iziko Suid-Afrikaanse Museum in Kaapstad plaasgevind, na plegtige tradisionele rituele wat by die vragterminaal van die Kaapstad Internasionale Lughawe uitgevoer is om die voorouers terug te verwelkom op tuisbodem.
Die oorskot en gepaardgaande items is oneties tussen 1868 en 1924 opgegrawe en later deur alumni en ander skenkers by die Universiteit van Glasgow gedeponeer. Volgens die Departement van Sport, Kuns en Kultuur bestaan die oorskot wat uit die Hunteriaanse versameling terugbesorg is, uit die gedeeltelike oorskot van ses individue, twee gips-gesiggietsels en ‘n seepsteen-rookpyp wat uit ‘n grafsteen opgegrawe is. Vyf van die individue – en die pyp – is afkomstig van die Noord-Kaap en word opgeëis deur afstammelinge van die San-, Nama-, Griekwa- en Korana-gemeenskappe.
Tronkstraf vir man wat driejarige met baksteen gooi
GEMSBOK-WILLISTON: Die Williston-landdroshof het die 22-jarige Arnold Jonkers tot vyf jaar tronkstraf gevonnis vir die ernstige aanranding van ‘n kind.
Die vonnis is verwelkom deur kolonel Diketso Lekgwathi, die waarnemende distrikskommissaris van die Suid-Afrikaanse Polisiediens (SAPD) in die Namakwa-distrik.
Die voorval wat tot die hofverrigtinge gelei het, het op Sondag 19 Maart 2023 plaasgevind toe ‘n driejarige meisie saam met haar ouers huis toe gestap het.
Die gesin het ‘n gewelddadige onderonsie teëgekom, waarby twee bekende individue in hul omgewing betrokke was.
Besorg oor die veiligheid van sy gesin, het die slagoffer se pa ingegryp om die bakleiery te beëindig.
Versoek vir ondersoek na konstabel se selfmoord by Nakop-grenspos
GEMSBOK-NAKOP: Die polisie en die Prisons Civil Rights Union (Popcru) en bedroefde familielede van Konstabel Lesley Mabitsela, 39, wat gesterf het nadat hy homself blykbaar op 8 Oktober met sy dienspistool by die Nakop-grenspos geskiet het, doen ‘n beroep op ‘n volskaalse ondersoek na sy dood.
Die omstandighede rondom sy dood bly onduidelik.
Sy broer het aangedui dat hy nie bewus was dat Mabitsela enige uitdagings ondervind het nie.
“Ek het sy foon vir leidrade gesoek en niks gevind nie. Hy het nooit ‘n nota gelos nie, en die familie soek antwoorde omdat hy nie iemand was wat selfmoord sou pleeg nie. Familielede het laas op 6 Oktober tydens video-oproepe met hom gepraat, en daar het geen probleme gelyk nie,” het hy gesê.
Coghsta verskyn voor SAMRK
GEMSBOK-UPINGTON: ‘n COGHSTA-span het onalngs voor die Suid-Afrikaanse Menseregtekommissie (SAMRK) se provinsiale ondersoek, wat gefokus het op die stand van dienslewering binne plaaslike munisipaliteite regoor die Noord-Kaap, verskyn.
Hierdie ondersoek is deel van die kommissie se grondwetlike mandaat om die nakoming van menseregte in Suid-Afrika te bevorder, te beskerm, te monitor en te assesseer.
Die COGHSTA-span wat voor die Suid-Afrikaanse Menseregtekommissie (SAMRK) se provinsiale ondersoek, verskyn het is deur mnr. Bafedile Lenkoe, die hoof van die departement van COGHSTA gelei.
Upington-vader kry lewenslank na hy sy dogter verkrag
GEMSBOK-UPINGTON: ‘n 45-jarige vader is tot drie termyne lewenslange gevangenisstraf gevonnis vir die verkragting van sy biologiese dogter (14 jaar oud), plus ‘n bykomende drie maande gevangenisstraf vir die aanranding op haar.
Die hof het ook gelas dat die beskuldigde se besonderhede in die Nasionale Register van Seksuele Oortreders ingevoer word.
Al die voorvalle het gedurende 2016 plaasgevind toe die klaer by haar vader gaan bly het, aangesien haar moeder, wat destyds van die beskuldigde geskei was, in die Wes-Kaap gewoon het op soek na werk.
Die hof het in detail gehoor hoe dat die beskul-digde een aand in April 2016, asook twee ander kere, in November dieselfde jaar verkrag is.
More Articles …
