GEMSBOK-UPINGTON: Die polisie in Upington ondersoek ‘n saak van inbraak en diefstal - na aanleiding van ‘n voorval waar daar by ‘n winkel ingebreek is en selfone ter waarde van R 678 000 uit die winkel verwyder is.
Lede van die Rhino Security-maatskappy het die polisie in kennis gestel, nadat hulle Saterdag-oggend omstreeks 04:00 selfone in ‘n sak buite Dunns Store ontdek het.
Dit het gevolg nadat hulle beheerkamer ver-dagte beweging agter die geboue waargeneem het. Rhino se gewapende reaksie span het dadelik gereageer en na ondersoek van die toneel op die fonds afgekom.
Twee se dood in toring ondersoek
GEMSBOK-POSTMASBURG: In ‘n verpletterende voorval vandag het twee mans hulle lewe in Maranteng, Newtown, onder onbekende omstandighede verloor.
Die Postmasburg SAPD ondersoek ‘n geregtelike doodsondersoek na die dood van twee mans wat na bewering dood in ‘n selfoontoring in Newtown, Postmasburg gevind is, terwyl ‘n derde man in ‘n kritieke toestand in die hospitaal is.
Op Sondag, 21 Januarie 2024 omstreeks 10:00 het gemeen- skapslede die alarm by die internettoring gehoor en die mans binne die toring gevind.
SAPD slaan toe op onwettige myners
GEMSBOK-KLEINSEE: Die Noord-Kaapse SAPD het die afgelope week op verskeie onwettige myners in die Namakwa-distrik toegeslaan.
Op 2024-01-09 om ongeveer 10:00 het lede van die SAPD se Vala Umgodi-span- saam met ‘n privaat sekuriteitsmaatskappy - ‘n operasie in die Namaqua-distrik uitgevoer.
Die span het ‘n gebied deursoek - waar daar beweer word dat onwettige mynbou plaasvind. Vier mans is in myngate gevind en in hegtenis geneem.
Twee ongedokumenteerde Zimbabwiese burgers van 17 en 39 jaar oud, sowel as twee Suid-Afrikaanse burgers van 29 en 30 jaar oud, is in hegtenis geneem op ‘n aanklag van onwettige mynbou.
Dwelmsmouse vasgetrek
GEMSBOK-VAN WYKSVLEI: Die polisie in die Noord-Kaap volg steeds ‘n nulverdraagsaamheidsbenadering teenoor dwelmverwante misdade. Drie (3) verdagtes is op Vrydag, 12 Januarie 2024 op verskillende plekke in die Noord-Kaap gearresteer.
Die polisie in Van Wyksvlei, het inligting van die publiek ontvang dat dwelms vanaf ‘n naburige dorp vervoer word.
Die polisie het die inligting geoperasionaliseer deur die geïdentifiseerde voertuig wat opgemerk is op pad na die dorp te monitor.
Brand bedreig historiese sendingstasie
GEMSBOK-KEIMOES: Na afloop van ‘n brand wat Woensdagaand naby die RK Sending op Keimoes uitgebreek het, het gerugte dat die historiese gebou in puin gelê is, soos ‘n veldbrand op sosiale media versprei.
Die Gemsbok het met Meisie Pool, voorsitter van Afriforum Keimoes, gepraat om vas te stel of daar wel ‘n vuurtjie brand waar die rokie trek.
Pool het aan die Gemsbok vertel, dat die Keimoes Buurtwag Woensdag omstreeks 19:00 ontbied is na ‘n brand wat agter die bekende RC Mission Mill gebou op Keimoes uitgebreek het.
Die dig bebosde area agter die gebou het glo aan die brand geraak en spoedig in ‘n ernstige bedreiging vir die gebou geraak.
More Articles …
