Die Noord-Kaapse departement van landbou, omgewingsake, landelike ontwikkeling en grondhervorming word deur rolspelers gemaan om te verseker dat hy die besproeiingstelsel in Onseepkans behoorlik aan die departement van water en sanitasie oorhandig en aan die nodige voorwaardes voldoen om ‘n mensgemaakte droogte te voorkom.
Ingeligtes meen die voormalige besproeiingskanaal is in 2014 deur ‘n pompaangedrewe pypleidingstelsel vervang, maar die kwaliteit van die pypleiding word bevraagteken en die filters is glo deurlopend verstop.
Dit stel watervoorsiening aan die oeste van 162 opkomende boere en kommersiële landboubesighede in gevaar, insluitend 110 hektaar rosyne wat op kommunale grond verbou word, asook uitvoerdruifproduksie, lusern en dadels.
Tronk toe oor beskermde plante
SPRINGBOK: Die Springbok-streekhof het die 24-jarige Hanro Owies tot direkte gevangenisstraf gevonnis vir oortreding van die Nasionale Omgewingsbestuurswet (NEMBA) en die oortreding van die Noord-Kaapse Natuurbewaringswet.
Die vonnisoplegging het op Woensdag, 09 April 2025 plaasgevind.
In Desember 2022 het The Hawks Ernstige Georganiseerde Misdaad Ondersoekspan gebaseer in Springbok, intelligensie-gedrewe inligting ontvang, oor onwettige vervoer en handeldryf van die Conophytum-aanleg (beskermde aanleg) in die Garies-omgewing.
Volgens die inligting was die beskuldigde veronderstel om met die koper langs ‘n privaat plaas op N7-roete te vergader.
Twee vriendinne sterf tragies in motorongeluk
GEMSBOK-KALKSLOOT: “Sy was ‘n lieflike mens en kon so maklik vriende maak. Altyd so opgeruimd wanneer sy tussen haar vriende gekuier het”, vertel Elfreda Eiman (52), die ma van Petrochelle Springbok (34) wat saam met haar vriendin, die 23-jarige Luwina Swartz op 5 April tragies in ‘n motorongeluk gesterf het.
Petrochelle was swanger en moes inderhaas na die hospitaal in Upington gebring word toe haar water breek. Sesbrugge is 15 km van Upington en ‘n buurvrou, Tiesie Titus (36) het teen sesuur die middag Petrochell, Luwina, Maryna Mienies (45) en Sharon Sauls in haar Polo Vivo gelaai en afgesit na die Dr. Harry Surtie-hospitaal.
Vyf wat dogtertjie verkrag tronk toe
GEMSBOK-POFADDER: Vyf Pofadder-mans moet lewenslank opgesluit word, nadat hulle die kwesbaarheid van ‘n 9-jarige meisie uitgebuit het.
Die jong kind is wees gelaat ná die afsterwe van haar ma en ouma en is ongelukkig tussen 2017 en 2020 deur die vyf beskuldigdes verkrag.
Sy is in die sorg van haar tante geplaas, wat die voorvalle by die departement van maatskap-like ontwikkeling in Pofadder aangemeld het en daarna is ‘n ondersoek deur die SAPD van stapel gestuur.
Speurder sers JR Nortjé sê hy was baie emosioneel tydens die vonnisoplegging. Hy het gehuil in die hof omdat daar uiteindelik geregtigheid vir die slagoffer is. Hy is bly dat sy ses jaar se werk nou suksesvol afgehandel is.
AfriForum gee Kai !Garib drie dae om rioolprobleme in Kakamas, Kenhardt en Keimoes uit te sorteer
GEMSBOK-KAKAMAS: AfriForum gee die Kai !Garib Plaaslike Munisipaliteit drie dae om die rioolprobleme in Kakamas, Kenhardt en Keimoes, wat al minstens vyf jaar duur, te takel.
Indien dit nie in hier-die tydperk opgelos word nie, sal AfriForum kriminele klagtes teen die munisipaliteit oorweeg.
Luidens ’n brief wat AfriForum op 1 April aan die Kai !Garib-munisipaliteit gestuur het, is die organisasie bekommerd oor die huidige stand van die munisipaliteit se riool-infrastruktuur en die skadelike uitwerking wat dit op die gemeenskap van Kakamas, Kenhardt en Keimoes se gesondheid en welstand, sowel as op die omgewing om die Oranjerivier, kan hê.
More Articles …
