GEMSBOK-UPINGTON: Die Noord-Kaapse premier, dr Zamani Saul, het verlede week met die nuwe LUR van Gesondheid, Nontobeko Daphula, en die nuwe waarnemende departementshoof, DDG Oupa Phiri, vergader.
Gegewe die dringende behoefte om die gehalte van openbare gesondheid in die provinsie te verbeter, het hulle glo ooreengekom op ‘n onmiddellike ingrypingtienpunt-omkeerplan.
Hierdie plan bestaan uit tien ononderhandelbare punte wat die Departement van Gesondheid onmiddellik moet implementeer.
Die belangrikste fokusareas sluit in:
1. Leierskapstabiliteit, 2. Devolusie van delegering na Distriksgesondheidsdienste,
3. Aanspreek van onvoldoende menslike hulpbronne, 4. Aanspreek van verouderende infrastruktuur, 5. Aanspreek van swak rekordbestuur,
6. Verbeter IKT-konnektiwiteit, 7. Verseker die beskikbaarheid van mediese toerusting en voorrade, 8. Verseker die beskikbaarheid van farmaseutiese voorrade, 9. Verseker veiligheid en sekuriteit, 10. Verbetering van bestuursaangeleenthede en oudituitkomste, 11. Drastiese verbetering van Noodmediese Dienste.
Saul het gesê “om die Departement van Gesondheid te ondersteun, is kampioene van die Kantoor van die Premier en Provinsiale Tesourie aangestel. Die Premierskantoor sal ‘n minimum van 20 onaangekondigde besoeke per maand aan die meer as 170 gesondheidsfasiliteite regoor die provinsie aflê.”
