Die naweek het die Laerskool Seodin se 0/12 en 0/13’s aan die sewes toernooi in Kathu deelgeneem en baie goed gevaar.
Die 0/12’s het vier wedstryde in totaal gespeel en 0/13’s het ses in totaal gespeel - waarvan een ‘n semi-finaal was en daarna uitgespeel het vir derde plek wat hulle gewen het.
0/12 Uitslae:
Seodin vs Curro:Wen 56-0
Seodin vs Danielskuil:Wen 54-0
Seodin vs Staats:Verloor 5-36
Seodin vs Op Die Voorpos:Verloor 5-41
GEMSBOK-KAKAMAS: Laerskool Cillié het onlangs ‘n baie geslaagde sportdag gedurende die vakansie aangebied.
Spanne van Keimoes en Kakamas het aan die sportdag deelgeneem, wat bestaan het uit sewe ‘n kant sokker- en netbalwedstryde.
Die sokkerspan van Liverpool FC van Lutzburg was die wenners van die 2024 toernooi.
De Santos netbalspan van Keimoes het weggestap met eerste plek in die netbal afdeling.
Die SBL van Cillié wens Liverpool FC baie sterkte toe met hul wedstryde verder die seisoen.
Die skool bedank alle spanne vir hul deelname, asook die breë gemeenskap van Cillié vir hul ondersteuning.
Die Duine-spanskiet se wenners was as volg: Mansspanne: 1ste – Kahahari A (Pieter van der Westhuizen, Darius de Klerk, Frederik Jacobs, Okker de Klerk)
2de – Bokbefok (Bertus Burger, Werner Visser, Jasper Stoop, Gerrit Nieuwoudt)
3de Varminters (GF Liebenberg, BJ Wiehahn, J Wiehahn, J van der Westhuizen)
1ste Damesspan: Shooting Stars
(F de Waal, Liza-Mare Smit, A Lamprecht, M Strauss)
Dorperland MTB Challenge vind plaas in Kenhardt die “hart van Dorperland”.
Baie rasse beweer dat hulle die moeilikste terreine en hoogste hoogtes het. Die Dorperland MTB-uitdaging het dalk nie die moeilikste terreine nie, maar die droë klimaat van die streek maak hierdie wedren baie moeilik en regtig anders as die res. Die Dorperland MTB Challenge het nes kampioene, en nie net dit nie, maar ‘n nuwe rekord.
Twee brawe swemmers van die Hoërskool Upington, oftewel die Uppie Guppies, het die afgelope naweek aan die Winter Swem Kampioenskappe in Bloemfontein deelgeneem.
Nie net het hulle die yskoue water trotseer nie, maar ook die volgende prestasies behaal.
Marine Pretorius kom eerste in die 100m rugslag, tweede in die 100m vryslag, derde in die 100m en 200m rugslag asook die 200 IM.
Nieke Engelbrecht kom eerste in die 50m vlinder, tweede in die 50m vryslag en tweede in die 200m rugslag en 100m vlinderslag.
GEMSBOK-UPINGTON: Wat ‘n belewenis! Dit is Willem Nortjé van At Last Apoloozas net buite Upington, se samevatting oor sy deelname aan Tentpegging by die Bricks Spele in Rusland onlangs.
Willem bars van trots oor die goue medalje in Equestrian Tentpegging wat hy en Norman Mostert van Delmas in Kazan, Rusland verower het. Dit maak van Willem Nortje en Norman Mostert die twee nommer een ruiters in die wêreld, in die afdeling.
Daarmee ontvang hulle die grootste er-kenning wat nog ooit aan ‘n SA Tentpegging ruiter toegeken is. Die enigste groter eer wat ‘n ruiter te beurt kan val is, as jy by die Commonwealth of by die Olim-piese Spele, ‘n goue medalje kan verower.
Hulle is vroeër vanjaar opgeneem in die span wat Suid-Afrika op die Bricks Spele in Rusland gaan verteenwoordig het. Dit was die eerste keer ooit wat ‘n Suid-Afrikaanse span genooi is om te gaan deelneem.
Verlede week het die eerste krieketspan van Hoërskool Kalahari aan die JARU Sport Akademie se winterweek vir 0/19 spanne deelgeneem.
Kalahari begin die toernooi met heelwat nuwe gesigte in die Arende-span.
Op dag een het Kalahari Hoërskool Wonderboom met 13 lopies geklop.
Leander Smit het goed gekolf met 49 lopies van 73 balle en Yden Agenbag het 5/37 in 9.4 boulbeurte geneem om hom die man van die wedstryd-toekenning te wen.
GEMSBOK-UPINGTON: Die APD Benede Oranje het Saterdag ‘n baie geslaagde Rolstoel Rugbytoernooi by die Kalahari Mall gehou.
Dit was deel van die feesvieringe van APD se 30ste bestaansjaar. Baie ondersteuners en stalletjies langs die bane het die oggend ‘n feestelike geleentheid gemaak.
Agtien (18) spanne uit die dorp het ingeskryf vir die kompetisie. Vanaf Saterdagoggend 09:00 het die spanne dit uitgespook teen mekaar. Die span wat met die trofee weggestap het, was De Jonge Fisios.
Eers het die Mustangs Rolstoelrugbyspan van Bloemfontein ‘n demonstrasie-wedstryd teen mekaar gespeel en die reëls van die spel aan almal verduidelik. Die Rotariërs het kom hand bysit en van hul lede het gedien as skeidsregters
DOUGLAS: In die stowwerige strate van Douglas, waar die son sy warmte oor die Noord-Kaapse dorp laat straal, het ‘n besondere ster aan die sporthemel opgekom.
Sy naam is Zane Naymar Lefuthane, ‘n tienjarige seun met ‘n passie vir sport en ‘n onblusbare vuur in sy oë.
Zane, wat van kleins af sporttalent toon, is tans ‘n Graad 5 leerder by Hoërskool Douglas.
Terwyl hy ‘n Graad 3 leerder was, is hy voorgestel aan ‘n privaatafrigter wat hom assesseer het en in ‘n proefafrigtingstydperk vir daardie jaar geplaas het.
Dieselfde afrigter het toestemming by Zane se ouers gevra om hom aan sy eerste groot kompetisie in Bloemfontein voor te stel.
Op diè jonge ouderdom het Zane die top 10 behaal vir beide 60m en 80m.
Hy is ook as deel van die Noordkaap-span gekies, maar kon nie die uitnodiging aanvaar nie aangesien hy nie in besit was van ‘n permanente ASA-nommer nie.
Dit was net die begin van die kaalvoet baanbreker se reis.
Zane is baie aktief en is lief vir sport.
Hy breek sedertdien eeue oue rekords en is sedert sy eerste kompetisie in Bloemfontein elke jaar gekies om sy provinsie te verteenwoordig.
Hy is nie net ‘n opkomende baanatleet nie, maar toon potensiaal op die rugbyveld en verteenwoordig ook sy provinsie in tennis.
Hy doen altyd sy beste in elke posisie.
Zane se ouers Shantelle en Bruce is twee trotse ouers wat alles in hulle vermoë doen om vir Zane die ondersteuning te gee wat hy benodig.
Hierdie positiewe ondersteuning maak ook ‘n impak in Zane se groei.
Albei ouers was ook atlete in hul skooljare. Shantelle het 200m, 100m, 80m, verspring gedoen en sy het met die atletiek die skool op distrikvlak verteenwoordig.
Sy speel nog steeds volleyball vir’n span by die SAPD. Bruce het 200m, 100m, 80m gedoen en sokker gespeel.
Hy het die skool op provinsiale vlak verteenwoordig. Waar hulle as ouers gestop het by die atletiek, dit gaan Zane mee voortbeweeg.
“Hy doen altyd sy beste en ons is baie trots op hom, ongeag sy prestasies.
Zane is nog baie jonk maar dis ‘n groot moontlikheid dat dit sy droom is...soos enige sportsman om eendag sy land, op die baan, tennisbaan of op die veld te verteenwoordig,” noem Zane se ma, Shantelle.
By die Kleure Atletiek 2024 wat 19 jaar lank staan, het Zane die 80m rekord gebreek.
Met die 2024 ABC Motsepe Liga se nasionale uitspeelrondtes wat die week op Upington plaasvind, is die hele provinsie se oë en hoop vasgenael op die NC Professionals, om die gesogte titel in die provinsie te hou.
Uitspeel wedstryde het reeds Dinsdag begin, met drie titaniese spanne wat in die C groep meeding. (Uitslae was ter perse nog nie beskikbaar nie).
Die gasheer NC Professionals (NC), die Wes-Kaapse kampioen FN Rangers (WK) en die Vrystaatse kampioen Mangaung Unite kom met ‘n skoon rekord in die uitspeelrondtes aan, aangesien hulle hierdie seisoen onoorwonne was in hul onderskeie ligas.
Die ABC Motsepe-liga se nasionale uitspeelwedstryde word van 17 – 23 Junie 2024 by die Mxolisi Dicky Jacobs-stadion in Upington gehou.
NC Professionals FC is reeds gekroon as die Noord-Kaap ABC Motsepe Liga kampioene.
Die Laerskool Seodin gimnaste van Kuruman Gimnastiek Klub het aan verskeie kompetisies die jaar deelgeneem en het die eer ontvang om deel te wees van die Provinsiale span, wat die Noord-Kaap gaan verteenwoordig in die Durban Zone Kompetisie, wat die 14de en 15de Junie in Pinetown sal plaasvind.
Meisies Level 1’s:
Kaylee Steenberg-Goud
Bothale Dithebe-Goud
Mianette Roodman-Silwer
Nerize Smit-Goud
Die Laerskool Oranje-Noord se o/11A-rugbyspan is die wenners van die Van Druten Liga wat die afgelope naweek op Kathu gespeel is. LON sê hulle is baie trots op elke speler in die span. Julle is ysters! Die afrigters deel graag die volgende boodskap:
”Ons kyk dankbaar terug op ‘n lang seisoen vol genade en seën maar ook taai tye en harde lesse wat die span en afrigters moes leer. Elke keer is daar opgestaan en hard gewerk.
Baie dankie vir elke speler wat in die seisoen betrokke was by die span. Dalk nie in die finaal nie, maar op die toer na Stellenbosch, ‘n sportdag of liga-wedstryd, die trofee is vir julle ook! Dankie vir elke ouer se ondersteuning tydens ‘n lang seisoen met baie kilometers, kostes en motivering.
Dankie ook vir LON! Dankie vir ons Hemelse Vader vir sy beskerming die seisoen.”
