Fitness Profound het onlangs ‘ wonderlike pret gevulde kompetisie dag aangebied, “Fun-Olympics”.
Die “Fun-Olympics” dag het glad verloop met genoeg eet en drink goed vir deelnemers, ander stalletjies, trofeë en pryse te wen, goeie organisasie en goeie gesindheid en samewerking vanaf die “Fitness Profound” gym-span.
GEMSBOK-KAKAMAS: Ruiters van die Kakamas Tentpegging Klub het vanjaar aan die Tentpegging Nationals gaan deelneem wat in Howick, Kwazulu-Natal gehou is.
Die afstand was uitmergelend op die perde en die kompetisie was baie sterk, maar die ruiters en perde het hulle goed van hulle taak gekwyt.
Die “Nationals” ry jy as volg: Die span bestaan uit vier ruiters en ook halfseksie, dan ry net twee ruiters op ‘n slag. Daarna ry elke ruiter ook enkel items en op die einde van die kompetisie word die punte opgetel vir elke ruiter se eie individuele punte, waarvolgens die Protea-spanne ensovoorts verkies word. Daar word ook wenners van seksie items sowel as half seksie wenners, aangewys.
Op Saterdag, 9 November 2024, het DFC Rugbyklub en Laerskool Op die Voorpos kragte saamgesnoer om ‘n uiters suksesvolle rugbykliniek aan te bied, wat meer as 100 jong seuns en dogters aan die grondbeginsels van die sport bekendgestel het.
Die kliniek het ‘n unieke platform gebied vir jong seuns en meisies om hul vaardighede onder leiding van ervare DFC Rugbyklub-spelers te verfyn. Interaktiewe sessies gefokus op noodsaaklike rugbyvaardighede, insluitend:
- Balhantering
- Dykslae
- Spanwerk
Rayno Nel, bekend onder aanhangers en mededingers as “Rhino”, het die naweek die SCL Finale in Turkey gewen en dit maak hom nou dit SCL Sterkste man in die Wêreld.
Dit net ‘n naweek na hy SCL Afrika in die Kaap gewen het.
Rayno het ‘n inspirerende pad van die rugbyveld na die sterkman-stadium uitgestippel en het vinnig een van Suid-Afrika se mees gedugte atlete geword.
Hy is ‘n boorling van Upington en oud-leerling van Hoërskool Duineveld.
Rayno was ’n rugbyspeler, het vir die Vrystaat Cheetahs gespeel voordat hy die sterkmanwêreld betree het.
Naas rugby, het Rayno ‘n graad in ingenieurswese behaal en sy loopbaan as elektriese ingenieur begin. Sy grootste uitdagings sluit in reis en om daagliks genoeg kilojoules in te neem. Hy is die seun van die trotse ouers, Jannie en Bernice Nel
Verlede jaar het Rayno besluit om ‘n nuwe ambisie na te streef: om Suid-Afrika se sterkste man te word. Sy doelwit realiseer toe hy aan die Suid-Afrikaanse Kampioenskappe deelgeneem het en die titel van Suid-Afrikaanse Sterkmankampioen verseker het.
Kompetisies op sy kerfstok sluit in SA Sterkste, Arnolds Afrika, Afrika’s Strongest, SCL Holland, SCL Afrika en nou SCL World Champion.
Ná die oorwinnings het hy uitnodigings ontvang om internasionaal aan die Strongman Champions League (SCL)-byeenkomste in Rusland en Nederland deel te neem.
Ten spyte van ‘n voetbesering het hy ‘n vierde plek in Rusland behaal. Daarna het hy in Nederland die titel as die Sterktste man in Nederland verower.
In ‘n SCL kompetisie was hy ook die “Sterkste man in Africa”. Al hierdie oorwinnings het hom laat deurdring tot die SCL Wêreld Kampioenskappe.
Hy het tydens dié wêreldkampioenskappe die naweek in Turkye met ‘n agterstand van 9 punte begin omdat hy 9 van die vorige uitdunne gemis het. Hy het egter die agterstand gou uitgewis.
Die eerste item was ‘n marmerblokwisseling, die oplig van klip met ‘n gewig van 100 kg tot 130 kg. Rayno het dit in ‘n rekord-opstel van 31 sekondes voltooi en die tweede plek behaal. Daarna het hy die 175 kg-sandsak-dra oor 60 meter op strandsand aangepak, wat hy moeiteloos gewen het. Rayno het die dag afgesluit deur die 75 kg natuurlike klipgooi te wen. Op dag een was hy eerste met ‘n enkele punt.
Met die top vyf mededingers net vyf punte uitmekaar, het dag twee beloof om ‘n stryd van vasberadenheid en vasvat te wees. Met sy laaste item, moes hy ‘n groot rots in minder as 20 sekondes voltooi. Hy het dit in net 17.1 gedoen, wat sy posisie as die nuwe titelhouer in die SCL Strongman of the World bevestig het.
Met hierdie titel het Rayno “Rhino” Nel bewys dat sy krag net so ontstuitbaar soos sy gees is.
GEMSBOK-UPINGTON: Tentpegging in die Noord Kaap het die afgelope tydperk so gegroei dat daar ‘n mans merietespan gekies kon word, sowel as ‘n damespan, om die Noord Kaap te kon verteenwoordig tydens die ITPF 2024 wat by Howick gehou is.
Die mansspan wat gekies is, was Willem Nortje Upington, Basie Nel Bloemfontein, Andre van Niekerk Kakamas en Johan van Niekerk Kakamas.
Al vier ruiters verteenwoordig die Kakamas Klub. Bonties Viljoen was reserwe sowel as spanbestuurder van die twee Noord-Kaap spanne. Die vier dames in die span was Cecilia van Niekerk Kakamas, Elriena Cilliers Danielskuil, Anja Viljoen Danielskuil en Elzeri Nel Bloemfontein.
Die Upington Extreme is elke jaar ‘n groot vooruitsig vir talle gesinne, skoliere, atlete en fiksheid entoesiaste! Hierdie kompetisie is beslis ‘n hoogtepunt vir elke driekamp atleet!
Fietsryers in beide extreme (28km) en lite (14km), asook die hardloop atlete, het terwyl hulle die prag natuurskoon van Kanoneiland se plase verken, die senutergende roete oorwin. Die Extreme & Lite swemmers het die magtige Oranjerivier, met seunuwees van staal en uithou vermoë - getem.
Daar was ook Extreme Kids wat nes die ‘grootmense’ ook geswem, gedraf en fietsgery het! Vanjaar was hulle bevoorreg om nie net 1 of 2 ere gaste te ontvang nie, maar 3 spesiale gaste by die 2024 Upington Extreme!
Ntate Manaka (CEO Toyota Financial Services), Charl Barnardo (Vise President Sales & Marketing TFS SA) en Fefe Maphisa (Upington Toyota’s ‘secret weapon’) het aan die 5km Lite Trail Run deelgeneem.
Die krieketspan van die Primêre Skool Oranje-Oewer het die afgelope naweek ‘n blitstoer na Na-makwaland onderneem waartydens hulle kragte gemeet het met die laerskoolspanne van Springbok.
Oranje-Oewer Primêr se netbalspanne het Saterdag teen Laerskool Springbok te staan gekom.
Oranje-Oewer spog met van die beste netbalspanne in die ZFM-skoleliga en hulle het hul Na-makwalandse teenstanders ‘n opdraende stryd gegee.
Die Kalahari Classics het die afgelope naweek in Kathu plaasgevind. Upington Swemklub voel trots om te kan sê, met 23 swemmers het die klub altesaam die meeste punte bymekaar gemaak die naweek. Hulle eindig in die eerste plek met 3767 punte vir Upington swemklub.Die individuele resultate is as volg :
Gea March - 2 goud 4 silwer 2 brons (3 tye verbeter)
Liane Van Zyl - 3 silwer 4 brons (4 tye verbeter)
Mieke Boshoff -1 silwer 4 brons (2 tye verbeter)
Marlo Lensing - 4 goud 5 silwer (2 tye verbeter)
So besig soos ‘n by, so toegewyd soos ‘n swemmer, en so helder soos Upington Swemklub. Die Vrydag van die 18de het ons “geesvang” gala plaasgevind.
Op daardie sonnige Vrydag het ons alle plaaslike inwoners verwelkom om te kom swem en toeskou!
Toeskouers kon waarneem hoe deelnemers mekaar ondersteun en aanmoedig. So het elke item nie net met n glimlag begin nie, maar ook met een afgesluit.
Hulle het selfs 25 meter-byeenkomste gehad wat hulle LTS-kinders die kans gegee het om te wys hoe dit gedoen word!
Met baie gees, spanbou en lag het die naweek op ‘n goeie noot begin.
GEMSBOK-UPINGTON: Die 1ste liga van die twee-kamp het onlangs by die Dicky Jacobs stadion en die dorp swembad plaasgevind en was ‘n groot sukses - met meer as 80 deelnemers wat aan die kompetisie deelgeneem het.
Hierdie opwindende geleentheid, het die begin van die seisoen op ‘n hoogtepunt gebring en die groei van die liga ondersteun.
Tweekamp is nie net ‘n sport nie; dit is ‘n familie-aktiwiteit wat mense bymekaar bring.
‘n Inspirerende voorbeeld was die Huyser-familie, waar pa, ma en hul twee kinders saam deelgeneem het, wat die waarde van gesinsbonding deur sport demonstreer.
Die Toyota Extreme driekamp kompetisie is besig om elke jaar te groei en meer deelnemers te lok vanaf buite die Upington gemeenskap en dit is wonderlik om meer en meer deelnemers te sien elke jaar.
Hierdie jaar bring ons weer die prysgeld vir die wenners van die mans en vroue Extreme kategorie terug as aansporing.
Die Toyota Extreme 2024 is om die draai en vind hierdie jaar op 26 Oktober 2024 plaas te Oranjerus Oord naby Kanoneiland, langs die magtige waters van die Oranjerivier.
Die Toyota Extreme is ‘n baie unieke kompetisie wat die deelnemers die kans gun om werklik ons pragtige omgewing en landskap te geniet en hetsy ernstig te kompeteer, of dit meer rustig en ontspanne aan te pak.
Alle fondse wat ons insamel word net so teruggeploeg in ons gemeenskap en versprei na minderbevoorregte kinders en bejaardes.
Die 2024/25 krieketseisoen is in volle swang en die Hoërskool Kalahari se Eagles het reeds ‘n seisoen met vele hoogtepunte.
Kalahari krieketspanne was in die begin van September in Bloemfontein en het kragte gemeet teen Hoërskool Jim Fouche en St Andrews School.
‘n Week later het Grey College se 0/15C en 4de span Kameelboompark besoek vir ‘n naweek propvol opwindende krieket.
Die Eagles het ook heel paar Premierliga T20 wedstryde gespeel ter voorbereiding vir die Diamantveld T20 toernooi.
Intussen word die 0/19 JTG/SA20 T20 wedstryde gespeel en hier het die Eagles reeds 8 ligapunte ( volpunte ) na 4 wedstryde.
Maar die hoogtepunt vir die eerste deel van die seisoen was beslis die Eagles se deelname aan die Diamantveld T20-toernooi.
Wat ‘n ervaring vir die Kala-krieketseuns wat teen Grey College op die Diamond Oval speel, regstreeks op DSTV 216.
Grey het ‘n goed gespeelde 195/6 in 20 boulbeurte behaal en Kalahari het geantwoord met 122/8.
Kalahari het ook op die tweede dag van die toernooi teen Oakdale gespeel en met 8 paaltjies verloor.
Dag 3, Saterdag 5 Oktober, was ‘n goeie een vir die Kalahari-seuns wat oorwinnings teen HTS Drostdy en die Noord-Kaap Hub behaal het.
SW van Heerden en Malan Lubbe het welverdiende vyftigtalle aangeteken.
Die 4de dag van die toernooi het die Arende teen ‘n baie sterk Hoërskool Outeniqua-span gespeel om die 13de en 14de plek van die 18 spanranglys te bepaal.
