Klerksdorp Midweek, Stilfontein - Niek en Engel Bouwer is in 1975 getroud. Die egpaar het hul 50ste huweliksherdenking op Thabazimbi gevier en weer troubeloftes aan mekaar beloof. Hulle is op 4 Oktober 1975 getroud. Hulle is reeds 24 jaar woonagtig op Stilfontein en het in Potchefstroom ontmoet toe Engel nog op skool was en Niek in die Weermag. Sy was al die jare ‘n huisvrou en Niek ‘n sweiser op Hartebeesfontein Myn, tot sy aftrede. Die egpaar is dit eens dat hul gelukkige huwelik bestaan uit vasbyt, baie geduld en liefde. Drie seuns is uit die huwelik gebore en hulle het ses kleinkinders.
