Blou Bloed: koninklike spore in Suid-Afrika
Deur Daniël Lötter
Uitgegee deur Protea Boekhuis
Lesersindruk deur Salomé Kotzé

Wat my die meeste opgeval het van die boek is die lekker gemaklike skryfstyl wat vir sommige mense nogal ‘n moeilike onderwerp kan wees - nie net om te lees nie, maar om te skryf ook. Ek het gesukkel om kop te hou tussen al die markiese, tsaars, kroonprinse en koninklike hooghede en hul bloedlyne wat lees soos ‘n hoofstuk in Eksodus. Maar dit dui op die deeglikheid van hierdie skrywer om nie halfgebakte werk te lewer nie - ek sal nou beslis nie almal in volgorde onthou nie, maar vra my oor die spoor van die Napoleons in Durban of wie ‘n affair met Genl Jan Smuts gehad het, en ek sal vir jou die boek in die hand stop. 
Die boek bevat ń skatkis van inligting en het waardevolle geskiedkundige waarde. Ek sê weer die navorsing is uitstekend, want verskeie bloubloediges het deur die eeue heen sterk bande met die land ontwikkel.

Klerksdorp Midweek, Klerksdorp - Round Table Matlosane 45 is presenting Bowling for Blankets on Friday June 14 and invites the community to join them in this fundraising initiative. This charity bowls will take place at the Klerksdorp Bowls Club at the Recreation Centre. The fun will start at 17:00 for 18:00. The entrance fee is R70 and a blanket with four players in a team. They promise food and coffee trucks as well as music and entertainment to keep everyone warm. Lots of prizes are up for grabs. All funds and blankets will go to a good cause. Contact 062 401 2413 for tickets and more information.

Klerksdorp Midweek, Potchefstroom - Die gewilde Kuns- en Antiekmark in Potchefstroom lok gewoonlik heelwat besoekers van buurdorpe en een van die dae is dit weer tyd vir hierdie uitstappie. Potchefstroom Erfenis bied die mark wat altyd by die President Pretorius Museum gehou is. Vanjaar word dit die eerste keer weer aangebied sedert die Covid-inperking en sal dit by die Potchefstroomse Metodistekerk, in James Morokastraat, gehou word. Die datum is Saterdag 8 Junie.  Die terrein by die President Pretorius Museum is nie meer voldoende nie, maar die Potchefstroomse Metodistekerk is ’n pragtige erfenisterrein wat beloof om die mark ’n besonderse atmosfeer te gee. Uitstallers by hierdie jaar se mark wissel van antiekeware, kunswerke en juwele, tot kunsflyt en plante. Daar sal ook ‘n gekwalifiseerde waardeerder wees om enige oudhede of erfstukke te waardeer.  Toegang by die mark sal, soos ander jare, gratis wees. Bring die hele familie en kom geniet die dag saam. Vir navrae of stalletjiebesprekings, stuur ‘n e-pos na This email address is being protected from spambots. You need JavaScript enabled to view it..

deur Christelle Wessels

Wanneer jy deur iemand fisiek te lyf gegaan word, kan daardie persoon deur die gereg vervolg en gestraf word. 
Jy kan mediese hulp kry vir die beserings en wonde wat jy opgedoen het. Na ‘n week of drie begin daardie beserings genees en na nog ‘n rukkie het die kneusplekke vervaag en selfs die meeste letsels het begin genees. Wanneer iemand jou egter met geniepsige woorde verniel, is dit ‘n heel ander storie. 
Mense kan dalk sien hoe jou gedrag/houding/gemoedstoestand verander, maar daar is nie sigbare beserings nie. Jy kan nie ‘n pleister daarop plak of ‘n verband daar om draai nie. En in plaas daarvan dat die ‘kneusing’ op jou wese met tyd vervaag, groei dit; bly dit rou en neem meer en meer van jou in beslag.