GEMSBOK-UPINGTON: Die SANParke Ereveldwagters van die Ariede Streek het Saterdag, 23 Augustus, hul eerste gholfdag in Upington aangebied.
Die oorweldigende ondersteuning van die Gholfklub, die 18 borge vir gate sowel as die 21 borge vir nuttige pryse het verseker dat elkeen van die 20 spanne (80 spelers in 4-bal vennootskappe) kon wegloop met ‘n prys.
Willie Engelbrecht, SANParke Ere-veldwagters groepskoördineerder van al SANParke se Ariede parke, het spesiale SANParke Bewaringsvennoot toekennings oorhandig aan Willie Burger van die Upington Protea Hotel en aan Eric Walker van Walker Midas uit erkenning vir hul volgehoue steun aan bewaringsprojekte in die Ariede Parke.
Twee deelnemers is geloot vir akkommodasie in een van die eksklusiewe boomhuise in Mokala Nasionale Park en by die Kieliekrankie Wilderniskamp in die Kgalagadi oorgrenspark.
Beth Engelbrecht, voorsitter van die Ere- veldwagters Ariede Streek het as inlei- ding meer lig gewerp op die vrywillige aard van die ondersteuning wat die streek aan vyf van die ses Ariede Parke bied. Die Ere- veldwagters bied hul dienste en ondersteuning aan projekte in die Kgalagadi Oorgrens-, Augrabies Waterval-, Namaqua-, Meerkat-, en Richtersveld Nasionale Parke aan.
Beth het groot waar- dering uitgespreek vir die oorweldigende ondersteuning wat hulle van die Upingtonse sakegemeenskap en golfspelers ontvang het. As fondsinsame- lingsinisiatief het die gholfdag se inkomste hul verwagtinge oortref. Sy het `n spesiale woord van dank aan die SANParke Ereveldwagter reëlingskomitee, met Erica Wessels aan die stuur, gerig en het bevestig dat daar al klaar met die gholfklub onderhandel word om die dag weer in 2026 aan te bied.
Enigiemand wat meer inligting oor die SANParke Ereveldwagters wil bekom en om deel te word van hierdie unieke organisasie, kan vir Beth by
