-
Verdagte in Leerkrantz aanval vasgetrek
GEMSBOK-UPINGTON: Die Upington SAPD het ‘n 30-jarige manlike verdagte, in verband met die beweerde huisroof wat op 30 April 2025 in Leerkrans, Upington, plaasgevind het -in hegtenis geneem.
Die verdagte is Maandag 5 Mei 2025 omstreeks 09:00 by sy huis in Leerkrans in hegtenis geneem.
Die polisie het ook items teruggevind wat na bewering tydens die rooftog gesteel is.
Speurders van die Upington SAPS het beves-tig dat hulle ‘n saak van huisroof - wat op Woensdag 30 April 2025 omstreeks 04:00 op ‘n kleinhoewe in Leerkrans, Upington, plaasgevind het -ondersoek.
-
Nalatige afvuur van vuurwapen
GEMSBOK-UPINGTON: Die polisie in Upington ondersoek ‘n saak van beweerde nalatige afvuur van ‘n vuurwapen nadat ‘n 30-jarige manlike konstabel verbonde aan die Upington K9-eenheid ‘n skietwond in die maag opgedoen het.
Daar word geglo dat die voorval op 30 April 2025 omstreeks 23:25 in Louisvale, Upington, plaasgevind het. Die lid was ten tyde van die voorval nie aan diens nie. Die SAPD-lid is tans in die hospitaal om behandeling te ontvang.
Geen vuilspel word in hierdie stadium vermoed nie.
Die ondersoek sal deur die Onafhanklike Polisie-ondersoekdirektoraat uitgevoer word.
-
Oranjerivier se eilande onder water
GEMSBOK-UPINGTON: Die ZF Mgcawu Distriksmunisipaliteit het ‘n persverklaring uitgereik om inwoners en belanghebbendes op hoogte te hou van die voortdurende uitdagings wat oorstromings en stygende watervlakke in dele van ons distrik inhou, veral binne die Kai !Garib en Dawid Kruiper Plaaslike Munisipaliteite.
Sedert die vrystelling van water uit stroomop damme op 8 April, het die Oranjerivier be-stendig gestyg, wat aansienlike druk op verskeie gemeenskappe, plaasgrond en padnetwerke plaas.
In Kai !Garib Munisipaliteit was die reaksie vinnig en gegrond op sorg. Munisipale spanne het, saam met gemeenskapsvrywilligers, bewusmakingsveldtogte van stapel gestuur en begin om kwesbare individue, waaronder bejaardes, siekes, swanger vroue en skoolkinders, te verskuif om by familie en vriende in veiliger gebiede buite die vloedsones te bly.
