Klerksdorp Rekord, Klerksdorp - Dowwe Dolla se ouma het verlede week ‘n Kaapse draai in die stad gemaak en dié tante se sêgoed het die vol saal laat skater.
Dié optrede op Donderdag 19 Junie in die Portugese Saal was ten bate van Hoërskool Wesvalia se netbal. Volgens die organiseerder, Lina van der Merwe, was dit ‘n groot sukses. Die vertoning is deur sowat 200 mense bygewoon. “Margit is net in ‘n ander klas. Sy het die mense uit haar hand laat eet,” sê Lina.
Klerksdorp Rekord, Klerksdorp - As jy nog altyd inspirasie gesoek het om Saterdagoggende die parkrun aan te pak, moet jy met Hilda Louw gesels.
Dié 80-jarige ouma stap eerskomende Saterdag 21 Junie haar 300ste parkrun “as alles goed gaan’’. Volgens haar is parkrun op Saterdae die ideale geleentheid om oefening te kry en om vriende te ontmoet om die 5 km saam met jou te stap. Daarom het sy ‘n koek bestel wat sy na die tyd saam met haar stapvriende gaan geniet.
Klerksdorp Rekord, Kleksdorp - ‘n Plaaslike ginekoloog wat al vir langer as drie dekades in Klerksdorp praktiseer het meer as 15 000 babas in die tyd in die lewe help bring.
Dr Charles Nienaber het vandeesweek saam met Klerksdorp Rekord teruggekyk op sy loopbaan van 34 jaar en sê daar is nog nie sprake van aftree nie. Hy het vir 32 jaar saam met dr Clifton Piek gepraktiseer en werk nou op sy eie nadat sy kollega afgetree het.
Dr Nienaber wat binnekort sy 66ste verjaardag vier sê hy het nog baie om aan die plaaslike gemeenskap te bied. Hy is langer as 41 jaar werksaam as ‘n dokter, nadat hy in 1983 met die edelberoep begin het.
Klerksdorp Record, Klerksdorp - The NW Department of Agriculture and Rural Development confirmed an outbreak of Foot and Mouth Disease in the Dr Kenneth Kaunda District, specifically in the JB Marks Local Municipality.
“The Department was alerted by a private veterinarian who visited a farm and noticed suspicious signs. The State Veterinarian collected samples, which were sent to the Onderstepoort Veterinary Institute (OVI) to test for the disease. Another incident was detected at an abattoir in Madibeng. The clinical signs of the affected animals were missed at ante-mortem inspection but were detected on the slaughter line during the meat inspection process. Tissue samples were sent to the laboratory and the results came back confirming both SAT 2 and SAT 3 types of the virus,” said Emelda Setlhako, spokesperson.
Klerksdorp Rekord, Potchefstroom - Aardklop se program is bekend en die kaartjieverkope is oop. Kaartjies word vanjaar deur Webtickets verkoop.
Die fees, wat vanjaar van 7-12 Oktober (Feesterrein 7-11 Oktober) plaasvind, het komedie, drama, tragikomedie, musiek in bykans elke denkbare genre van klassiek tot voetestamp, en vermaak vir die jonger geslag.
