Klerksdorp Midweek, Klerksdorp - Klerksdorp Markte en Pretlope se volgende mark by Pick n Pay Hipermark is die naweek. Die hoofdoel van die mark gaan wees om geld in te samel vir die Orkney en Klerksdorp Diereskuiling van 09:00 tot 14 00. Ignaz Streicher van Overvaal Stereo en Diane Jacobs van die diereskuiling sal albei toegesluit word en geld gaan ingesamel word vir hul vrylating.
Komberse vir Elandshaven
Klerksdorp Midweek, Klerksdorp - Parkrunners van die Matlosana Bird parkrun het hul harte oopgemaak en uitgereik na die inwoners van Elandshaven. Elke persoon daar het ‘n kombers ontvang wat deur mense geskenk is wat Saterdae aan die Parkrun deelneem. Volgens Bridget Kleu het elke inwoner se dankbaarheid die skenking die moeite werd gemaak. ‘n Plaaslike besigheid, Bikers Care NW en twee Mev Klerksdorpfinaliste het gehelp en bygedra.
Op die boekrak: Hospitaalriller nie vir slaaptyd
Soos Alice in Wonderland het Marieta Carrick by ’n konyngat ingeval, maar wat sý skryf, is alles behalwe slaaptydstories. “Ek hou van horror, maar my gunsteling is sielkundige rillers. As jy dit kan regkry om met my kop te smokkel, dan hét jy my,” gesels sy. Dit is wat die blonde Kaapse skrywer reggekry het met haar lesers in haar nuutste boek, Bloed van ‘n vlinder. Die hoof-karakter, Suster Libby Lucas, begin by Noordeberg Hospitaal werk. Sy hoop dit sal ’n nuwe begin wees, en dat sy al haar geheime in die verlede sal kan los. Maar dan word ’n verpleegster vermoor. Skielik voel dit asof die onheil Libby agtervolg. Of is sy nou besig om haar verstand te verloor?
Nuut op die rak: Die moord op Deveney Nel
deur Julian JansenUitgegee deur NB Uitgewers
In ’n Wes-Kaapse plattelandse dorpie ontvou ’n ondenkbare tragedie. Deveney Nel, ’n talentvolle 16-jarige, se lewe eindig skielik, en die gemeenskap, saam met die res van die land, is geruk. Julian Jansen, skrywer van topverkoperboeke soos Moord op Stellenbosch, het as misdaadverslaggewer vir Rapport van die begin af oor die saak geskryf. Hy benut sy uitgebreide kontakte binne die polisie, sowel as onderhoude met vriende en familie om die gebeure te rekonstrueer en om Deveney Nel se nagedagtenis te eer. Die boek is ook beskikbaar in Engels.
Nuut op die rak: Donkermaan
deur Jaco WolmaransUitgegee deur NB Uitgewers
Jaco Wolmarans is terug met aksie, spanning en intrige. Dit is 1991. Israel in die kruisvuur van nuwe langafstand-missiele uit Lebanon. Mossad moet dringend ’n antwoord vind. En ’n geskikte rekruut vir ’n uiters sensitiewe operasie: die diefstal van broodnodige radartegnologie by die Suid-Afrikaanse Lugmag, as teenvoeter vir Siriese missiele. Die kandidaat: Ruth Heyns, doktorsgraadstudent in Tel Aviv. Maar sy trek die aandag van Teenspioenasie se ervare Gunther Eckhardt en die toenemende agterdog van die Lugmag-liaison, kolonel Leon Rutger. Donkermaan is die eerste roman in ‘n tweeluik, maar is ook ‘n selfstandige verhaal. Die opvolg, Sekelmaan, verskyn einde Augustus.
More Articles …
