GEMSBOK-UPINGTON: Die Noord-Kaapse Departement van Sport, Kuns en Kultuur betreur die afsterwe van een van Suid-Afrika se mees invloedryke kulturele stemme, dr. Diana Ferrus.
Haar poëtiese briljantheid en onwrikbare toewyding aan geregtigheid, identiteit en versoening het ‘n blywende nalatenskap in die Suid- Afrikaanse letterkunde en kulturele lewe gelaat.
Dr. Ferrus was ‘n begaafde skrywer, digter en mentor wie se ikoniese gedig vir Sarah Baartman waardigheid herstel en nasionale besinning aangewakker het, en betekenisvol bygedra het tot Suid-Afrika se reis van genesing en eenheid. Haar werk het beide nasionaal en internasionaal erkenning verwerf.
Sy het ‘n belangrike rol gespeel in die koestering van literêre talent in die Noord-Kaap deur haar betrokkenheid by Skrywersfeeste wat in die Provinsie gehou is, waar sy aspirant-skrywers en outeurs met vrygewigheid en passie gelei en ondersteun het.
Die LUR vir Sport, Kuns en Kultuur, Desery Fienies het haar innige meegevoel aan haar familie, vriende, mede-skrywers en die breër kunstegemeenskap oorgedra. “Ons eer haar merkwaardige bydrae tot kuns en kultuur, en haar nalatenskap sal toekomstige geslagte voortsit om te inspireer.”
