Ronel Visser van Brandvlei se Uit-Die-Bottel Kweperkonfyt, is die SA Kampioen in die konfyt-afdeling van die eerste Suid-Afrikaanse Preserveerkampioenskappe.
Die wenproduk was een van 456 inskrywings van 66 vervaardigers in die nuutgestigte Suid-Afrikaanse Preserveerkampioenskappe, aangebied deur Agri-Expo, die oudste landbougenootskap in die land. ’n Beoordelaars- paneel van 38 kenners het die inskrywings deur middel van ’n streng blinde proe-proses geëvalueer. Uiteindelik is 70 produkte van 29 vervaardigers as Suid-Afrikaanse Kampioene aangewys, met 11 kategorie-wenners wat bo uitgestyg het. “Suid-Afrikaanse verbruikers kan werklik kies en keur wanneer dit kom by gehalte,” sê hoofbeoordelaar Susina Jooste, koskenner en opleidingspesialis.
