KURUMAN: As deel van ‘n interprovinsiale grensoorskrydende operasie het polisie in die Noord-Kaap vermoedelik gesteelde koperkabels ter waarde van ongeveer R250 000, van ‘n plaas naby Kuruman, gekonfiskeer.
Die operasie is op 24 Junie 2025 omstreeks 10:30 uitgevoer na aanleiding van inligting wat ontvang is oor die teenwoordigheid van vermoedelik gesteelde koperkabel op die perseel.
Met aankoms het beamptes verskeie sakke vermoedelik gesteelde koperkabel ontdek, ter waarde van ongeveer R250 000.
‘n Saak van skade aan noodsaaklike infrastruktuur is geopen.
Alhoewel geen arrestasies in hierdie stadium gemaak is nie, is polisie-ondersoeke aan die gang.
Daarbenewens het beamptes meer sakke gevind met koperkabel ter waarde van R30 000.
Die daaglikse bestuurder van die perseel is ‘n boete van R3 500 opgelê vir die oortreding van die Wet op Tweedehandse Goedere, Wet 6 van 2009.
Die operasies, wat tussen 24 en 26 Junie 2025 in Kuruman en Kathu uitgevoer is, het ook voldoeningsinspeksies by verskeie tweedehandse goederehandelaars ingesluit.
