STELLALANDER-VRYBURG: Die Vryburg Rugbyklub staan Saterdag, 28 Junie voor een van hul belangrikste toetse van die seisoen wanneer hulle om 15:30 op die Gert Lubbe-veld teen die magtige Leeutjies van Leeudoringstad te staan kom. 

Vyf talentvolle stoeiers van Vryburg het die afgelope naweek, 21 Junie, aan die “Beast of the East”-toernooi in Pretoria deelgeneem – ‘n voorbereidingsgeleentheid vir die nasionale kampioenskappe wat later vanjaar plaasvind. Mikyala du Plessis en Henrico Kotzee het albei uitstekend presteer en goue medaljes huis toe gebring.

Hoërskool Stella se o/11-rugbyspan het op Dinsdag, 17 Junie geskiedenis gemaak toe hulle met ’n puik vertoning die Noordwes Luiperds-kleinskole-finaal gewen het. Die span het Sanddrift met 10–0 geklop en is nou amptelik die 2025 Noordwes Luiperds Kleinskole-kampioen.

STELLALANDER-RUSTENBURG: Die polisie het ’n intense klopjag van stapel gestuur ná die grusame moord op ’n bejaarde egpaar in die parkeerarea van ’n inkopiesentrum op Saterdagmiddag, 14 Junie 2025. 
Volgens voorlopige verslae is die egpaar, George en Wilma Koster noodlottig geskiet tydens ’n konfrontasie met die insittendes van ’n wit Kia Rio sonder nommerplate. Paramedici het die slagoffers op die toneel dood verklaar.