GEMSBOK-KURUMAN: Met die steun van ‘n plaaslike ondernemingsontwikkelingsprogram, het die Kuruman-entrepreneur Bontle Lehula, haar gastehuis- en restaurantbesigheid uitgebrei en versterk.
As een van 17 entrepreneurs wat van die opleidingsprogram deurloop het, het Bontle die kennis, hulpbronne en selfvertroue opgedoen om haar besigheid te laat groei en haar gemeenskap beter te dien.
Bontle het die behoefte aan gemaklike, skoon en bekostigbare akkommodasie in haar dorp erken en haar besigheid, “Back to the Moon”, gestig om beide reisigers en plaaslike inwoners te akkommodeer.
Die program, wat deur REISA befonds en deur RAIZCORP geïmplementeer is, het Bontle en ander begunstigdes omvattende ondersteuning gebied, soos sakeleiding, entrepreneurskapoplei- ding, spesialis advies, marktoegang en administratiewe ondersteuning.
Daarbenewens het sy ‘n beginnerspakket vir haar kantoor ontvang, kompleet met ‘n skootrekenaar, drukker en omsetter, wat haar gehelp het om bedrywighede meer doeltreffend te bestuur.
“Die program het my die kennis en ondersteuning gegee om my besigheid te laat groei tot die vlak wat ek nog altyd in die vooruitsig gestel het.
Hierdie ondersteuning het ‘n groter impak op my besigheid gehad as enige ander intervensie wat ek gedurende my reis ervaar het. Ek sal REISA vir ewig dankbaar bly vir hierdie gebaar,” het Bontle gesê
Die onlangse diplomaplegtigheid het die hoogtepunt gemerk van ‘n ses- en twaalfmaande lange program wat daarop gemik was om hierdie plaaslike KMMO’s te versterk.
Hierdie inisiatiewe het entrepreneurs toegerus met die gereedskap en vaardighede om op hoër vlakke mee te ding, werkskepping te bevorder en plaaslike ekonomiese groei te stimuleer.
“Ondersteuning van klein besighede beteken om gesinne te ondersteun, werk te skep en die plaaslike ekonomie te onderhou. Ons is trots om te sien hoe entrepreneurs soos Bontle neem wat hulle geleer het en ‘n werklike verskil in hul gemeenskappe maak,” het Shariefa Rhode, sosiale prestasiebestuurder vir REISA Solar, gesê.
Persone met die diplomas sal voortgaan om na-opleidingsondersteuning te ontvang, insluitend toelaagbefondsing, om hul besighede te help onderhou en laat groei.
