GEMSBOK-UPINGTON: Upington: sewe verdagtes moet in die hof verskyn vir sameswering om moord te pleeg.
’n Geheime operasie is gedurende die ure van Sondagoggend, 15 Oktober 2023, deur lede van Upington-grenspolisie bygestaan deur die Noord-Kaapse taktiese reaksiespan (TRT) uitgevoer - dit het gelei tot die arrestasie van sewe Nigeriese burgers vir sameswering om moord te pleeg.
Daar word beweer dat die verdagtes saamgesweer het om sekere polisiebeamptes in Upington te vermoor aangesien hulle ‘n bedreiging vir hul dwelmhandelonderneming ingehou het.
DKM het riool probleme aangespreek
GEMSBOK-UPINGTON: Die Dawid Kruiper Munisipaliteit het oor die afgelope jaar verskillende probleem-areas van die riool infrastruktuur aangespreek en afgehandel.
Patrick Williams, skakelpersoon vir DKM, het die volgende persverklaring uitgereik wat werk in verskillende areas verduidelik: “Opknappingsprojek van Kameelmond Rioolwerke
Die bestaande rioolwerke geleë in Kameelmond, is herstel tot die oorspronklike kapasiteit, met verwysing na die verwerking van die grootmaat rioolafval. Die totale projek koste met verwysing na die herstel van die bestaande rioolwerke beloop R65 miljoen.
Veldbrande in distrik eis ses lewens
GEMSBOK-LOHATHLA: Ses soldate is dood en drie ander het tweedegraadse brandwonde opgedoen ná ‘n brand by die South African Army Combat Training Centre (CTC) in die Noord-Kaap uitgebreek het.
Die brand het Vrydag omstreeks 13:45 uitgebreek. Na wat verneem word, het die brand vanuit die westelike grens van die myn wat langs die oefenarea is, gekom.
Drie beseerde soldate is in die hospitaal opgeneem.
Boeties skop hoog oor die water!
Lylle & Liam Pieterse het die afgelope paar weke Suid-Afrika in die Flanders Internasio-nale Skopboksbeker en Italiaanse Wêreldbeker verteenwoordig. Hierdie boeties van Kathu is beslis ‘n fors om mee rekening te hou. Lylle behaal 1ste plek in “Kick Light” en 1ste plek in “Continious fighting” en Liam ‘n 3de plek in “Points fighting”.
“Tydens die Italiaanse Wêreldbeker het Lylle homself teen verskeie opponente goed ‘verdedig en Liam het in twee gewigs-afdelings vir punte baklei. Beide seuns het ook hier hulle ouers trots gemaak.
Walker’s Midas Upington kraai koning!
GEMSBOK-UPINGTON: Walker’s Midas Upington het beslis ‘n pluimpie in Upington se hoed geplaas - toe hulle as die Midas-groep se “Franchisee Of The Year” aangewys is. Die harde werk, puik diens en hoë kwaliteit produkte wat deur hierdie tak gewaarborg word - is die rede waarom Walker’s Midas Upington - as die beste Midas uit meer as 330 takke aangewys is! Erin, Janie en Max Walker, saam met 180 ander Midas eienaars, was in Griekeland by Mykonos om die pryse te ontvang. “Dankie aan al ons personeel - wat elke dag opdaag en wêreldklas diens lewer - met goeie kwaliteit produkte,” sê Erin Walker. “Dankie aan elke kliënt vir getroue ondersteuning,” beaam Max Walker.
More Articles …
