GEMSBOK-UPINGTON: Sosiale media is weer sedert verlede week aan die gons, nadat ‘n skrywe vanaf Coghsta (Dept Samewerkende regering, menslike nedersettings en tradisionele sake) in die Noord-Kaap op verskeie Facebookblaaie gepubliseer is - waarin die departement die munisipale raad van die ZF Mgcawu Distrik Munisipaliteit maan, dat die waarnemende munisipale bestuurder nie oor die nodige posvereistes beskik nie.
“Die waarnemende aanstelling deur die munisipale raad is in stryd met die plaaslike regeringsregulasies oor die aanstelling en diensvoorwaardes van senior bestuurders, aangesien mnr Tieties se huidige pos as be-stuurder in die kantoor van die uitvoerende burgemeester is. Hy beskik nie oor die vereiste kwalifikasies, vaardighede, bevoegdhede en ondervinding soos voorgeskryf nie.” lui die skrywe.
Voormalige SAPD sersant kry lewenslank vir verkragting van twee minderjariges
GEMSBOK-SPRINGBOK: Die Springbok-streekhof het Calvin Brown(45) voormalige sersant in die Suid-Afrikaanse Polisiediens tot lewenslange tronkstraf gevonnis nadat hy skuldig bevind is op twee aanklagte van verkragting van twee minderjariges.
Die beskuldigde was verbonde aan die maatskaplike misdaadafdeling en was verantwoordelik vir kinders met gedragsprobleme, terwyl hy in diens van die SAPD was. Die beskuldigde is ook van aanranding en regsverydeling aangekla.
In Oktober 2021 het die 17-jarige slagoffer na haar pa gesoek en die bystand van die beampte versoek aangesien hy ‘n vertroude lid van die polisie was. Die beampte het die slagoffer na die Polisieklubhuis vergesel op soek na haar pa aangesien daar beweer word dat hy by die klub sou wees.
SAPD bedrogsaak kry nog ‘n beskuldigde by
GEMSBOK-SPRINGBOk: Nog ‘n beskuldigde sluit homself in die hof aan by die twee polisiebeamptes vir korrupsie en bedrog.
Adam Harrower, ‘n senior botaniese tuinboukundige van die Suid-Afrikaanse Nasionale Botaniese Instituut (SANBI), verskyn vandag in die Springbok-distrikshof op aanklagte van korrupsie/bedrog en kuberbedrog.
Harrower se verskyning merk hom as beskuldigde nommer 4 in ‘n saak waarby ook voormalige SAPD-amptenare kaptein Karel Coetzee Du Toit (beskuldigde 1) en ao Leonard William Landrew (beskuldigde 3) betrokke is, albei by die Springbok-polisiestasie gestasioneer.
Kaptein Coetzee Du Toit, wat as die bevelvoerder van die Veediefstaleenheid gedien het, en Landrew staan tereg op verskeie ernstige aanklagte, insluitend bedrog, diefstal, regsverydeling, oortreding van die Toerismewet en korrupsie.
Die bewerings teen Harrower hou verband met sy rol as ‘n werknemer van SANBI, waar hy gereeld gevra is om verskeie inheemse en eksotiese plante te identifiseer.
Geen NK onderwysers sal hul werk verloor nie, sê LUR
GEMSBOK-UPINGTON: Die Noord-Kaapse LUR vir onderwys, Abraham Vosloo, het opvoeders verseker dat hulle hul poste in die provinsie sal behou, ondanks die aggressiewe begrotingsbesnoeiings wat deur die minister van basiese onderwys aangekondig is. Hy het gesê die departement sal in die huidige boekjaar R47 miljoen opsy sit, deur kostebeper-kingsmaatreëls en die besnoeiing van goedere en dienste, om te verhoed dat onderwysers in die Noord-Kaap afgelê word.
“Die impak van die verlies van 663 onder-wysers sal te erg wees. Ons kan nie wegdoen met basiese hulpbronne by 554 skole in die provinsie nie,” het Vosloo gesê. “Ons sal eerder op projekte afskaal en met ‘n bietjie minder oor die weg kom en eerder daarop fokus om te verseker dat ons onderwysers in die klaskamer het.
Winkeleienaar koelbloedig geskiet - verdagtes steeds soek
GEMSBOK-PABALLELO: Die skynbaar doellose moord op ‘n buitelandse winkeleienaar van Paballelo, het die gemeenskap die afgelope week met verskeie teorieë gevul, maar nòg die motief nòg die verdagtes is na bykans ‘n week gekry. Die polisie in Paballelo het ‘n moordsaak vir ondersoek aanhangig gemaak, na aanleiding van ‘n skietvoorval waartydens ‘n 34-jarige snoepwinkeleienaar die aand van Dinsdag, 22 Oktober 2024 noodlottig gewond is.
Op ‘n sekuriteitsvideo kan gesien word hoe die slagoffer na die veiligheidshek stap en die verdagte hom deur die tralies skiet.
Die slagoffer val agteroor en is dan buite sig.
Die verdagte spring daarna oor die veiligheidshek en gaan - vermoedelik na waar die slagoffer geval het.
More Articles …
