GEMSBOK-KLEINZEE: As deel van die onderdrukking van onwettige mynbou en verwante misdade in die Noord-Kaap, het multi-dissiplinêre spanne van Operasie Vala Umgodi ‘n man gearresteer vir die besit van ‘n vermoedelik ongeslypte diamant en agt ander vir die oortreding van die Immigrasiewet in die Frances Baard- en Namakwa-distrikte.
Provinsiale polisiewoordvoerder, sers Merapelo Pilane, het gesê die Namakwa-span het die aand van 11 September ‘n wenk ontvang oor ‘n voertuig wat vermeende onwettige mynwer-kers tussen Kleinzee en Koingnaas vervoer het.
Op grond van hier-die inligting het die span die voertuig langs die R355-pad onderskep.
Vier gevang vir onwettige jag ná hoëspoed polisie agtervolging
GEMSBOK-PORT-NOLLOTH: Die multidissiplinêre Operasie Vala Umgodi-span in die Namakwa-distrik, bestaande uit SAPD- en SANW-lede, het Saterdag vier individue vir onwettige jag in hegtenis geneem.
‘n Noord-Kaapse polisiewoordvoerder, sers Merapelo Pilane, het gesê die span het gereageer op inligting oor onwettige mynbedrywighede by ‘n wildplaas, Toe hulle die polisie sien naderkom, het hulle in ‘n groen Mitsubishi Colt-bakkie weggejaag.
Polisielede in hof
GEMSBOK-SPRINGBOK: Sers Luthando Gqalane, verbonde aan die SAPD Openbare Orde Polisie (POP) in Upington, sers Bongani Oliphant van die Paballelo polisiestasie, Graye Thomas, Enuel Elderman en Robert Amadhila het op 5 September in die Springbok Streekhof verskyn.
Hulle het na bewering op 30 Augustus geld van ‘n potensiële diamanthandelaar op die N7-hoofweg in Springbok afgepers.
Daar word geglo dat die beskuldigde die klaer na bewering gedwing het om R65 000 in hul bankrekening oor te plaas terwyl hulle ‘n verdere betaling van R500 000 geëis het.
Mojalefa Senokoatsane, streekwoordvoerder van die nasionale vervolgingsgesag, het gesê vyf beskuldigdes is aangekla van afpersing en die nabootsing van ‘n polisiebeampte.
“Hulle bly in aanhou-ding - in afwagting vir ‘n formele borgtogaansoek - in die Springbok-distriks-hof,” het Senokoatsane gesê.
Kathu-man kry 12 jaar nadat verkragting op sosiale media aangemeld is
GEMSBOK-KURUMAN: Die Kuruman-streekhof het ’n 29-jarige man van Kathu tot 12 jaar tronkstraf gevonnis - nadat sy verkragtingslagoffer haar beproewing op sosiale media gedeel het.
Mojalefa Senokoatsane, streekwoordvoerder van die nasionale vervolgingsgesag (NVG), het gesê die voorval is op 6 Junie 2020 by die polisie aangemeld.
“Die klaagster het die beskuldigde geken en het ten tyde van die voorval, saam met die beskuldigde en haar familielede, by haar huis gesit. Een van die familielede is badkamer toe, aangesien die aan ‘n maagkwaal gely het. Die beskuldigde het ‘n geleentheid aangegryp, waar hy die klaagster van die bank na die slaapkamer gedra het en hy haar verkrag het. Die aanranding het eers opgehou toe die familielid uit die badkamer teruggekeer en die slaapkamerdeur oopgemaak het.”
Senokoatsane het gesê dat die klaagster die skokkende beproewing eers ‘n week later in haar WhatsApp-statusopdatering aangemeld het, waar sy uitgespreek het: “Ek kon my ouers vertel het.”
Skoolseuns se rassisme deur MRK ondersoek
GEMSBOK-UPINGTON: Olie is behoorlik op die rassisme vure van die Upingtonse, en later regoor Suid-Afrika gegooi, nadat vier seuns van die Hoërskool Duineveld ‘n TikTok ster met rassistiese aanmerkings gepeper en selfs gedreig het.
Die vier Noord-Kaapse leerlinge wat in die TikTok-video verskyn het, is geskors.
Die Noord-Kaapse departement van onderwys het Donderdagmiddag bevestig dat die vier leerlinge wat in die video verskyn het van Hoërskool Duineveld is. Hulle is tussen 17 en 18 jaar oud.
Geoffrey van der Merwe, woordvoerder van die provinsiale departement van onderwys, het gesê: “Hoërskool Duineveld het onmiddelik opgetree in ooreenstemming met hul gedragskode en hierdie leerders op skorsing geplaas.”
Hy het gesê die dissiplinêre verhore is vir 17 September geskeduleer.
More Articles …
