GEMSBOK-UPINGTON: Daar skyn ‘n toename in onwettige vuurwapens in die provinsie te wees.
Skaars ‘n week gaan verby waarin die polisie nie op een of meer onwettige vuurwapens en/of ammunisie beslag lê nie.
In die nuutste twee voorvalle het die vinnige optrede van die SAPD  gelei tot die herwinning van onwettige vuurwapens, ammunisie en gevaarlike wapens.
Tydens die uitvoering van Operasie Shanela op 25 Mei 2024 het die lede van die Kakamas Sigbare Polisiëring Taakspan inligting ontvang oor die onwettige besit van vuurwapens en ammunisie.

GEMSBOK-LOUISVALE: Die tragiese verdrinking van ‘n jong seuntjie van Louisvaledorp by Upington, het die afgelope naweek hierdie gemeenskap in rou gedompel.
Die polisie in Upington het  ‘n geregtelike doodsondersoek rondom die omstandighede van die dood van die 7-jarige, Benedict Markus, geloods.
Benedict het na bewering  verdrink in een van die oksidasiedamme naby Louisvaledorp op Vrydag, 24 Mei 2024.
Daar word beweer dat die seun met sy vriende gespeel het en later is sy ouers ingelig dat hy verdrink het. 
Sy pa het glo probeer om hom te red, maar dit was ongelukkig te laat.

GEMSBOK-KURUMAN: Die polisie is op soek na vier verdagtes, wat glo in Kuruman in die Noord-Kaap werk, nadat agt beeste gesteel en 44 vergiftig is by ‘n plaas naby Vryburg in Noordwes.
’n 38-Jarige man sal Maandag in die Ganyesa-landdroshof verskyn op aanklagte wat verband hou met veediefstal en opsetlike beskadiging van eiendom wat verband hou met twee voorvalle wat in Desember 2023 plaasgevind het.
Die man, wat glo die ringleier is - en sy vier makkers het na bewe-ring agt beeste gesteel en ook 44 ander vergiftig op ‘n plaas buite Bray naby Vryburg.

GEMSBOK-FRASERBURG: Die afwesigheid van mediese personeel by die Fraserburgse gemeenskapgesondheidsentrum het Dinsdagaand ‘n tragiese nadraai gehad toe ‘n persoon oorlede is.
‘n Boer in die distrik het sy plaaslike raadslid,  Riaan Geel,  Karoo-Hoogland-plaaslike munisipaliteit, se vrou glo gekontak nadat hy geen mediese hulp vir een van sy werkers, mnr. Elvis van Jaarsveld, by dié sentrum kon kry nie.
 Slegs veiligheidspersoneel was blykbaar by die sentrum aanwesig.