GEMSBOK-VIOOLSDRIFT: Tydens roetine ondersoek by die Vioolsdrift-grens, is daar drie vuurwapens gekry.
Saterdag, 24 Februarie 2024 om ongeveer 00:15, is 'n taxi wat die RSA vanaf die Namibiese kant binne gery het, op pad na Kaapstad, voorgekeer en deursoek. Voordat die polisie die taxi deursoek het, het die bestuurder uitgespring en van die toneel gevlug en die assistentbestuurder en sewe passasiers in die voertuig gelaat.
Toe hulle die voertuig verder deursoek, het polisielede drie vuurwapens onder die bestuurdersitplek ontdek. Dit was in 'n plastieksak versteek. Die assistentbestuur-der en die sewe passasiers is in hegtenis geneem en aangehou.
Watersituasie by Kai !Garib gemonitor
GEMSBOK-UPINGTON: AfriForum se Werner Strauss, die organisasie se koördineerder in die Noord-Kaap, het verlede week ‘n opvolg besoek aan Kakamas afgelê om die watersituasie te monitor.
Dit kom nadat hy die vorige week die Kai !Garib Plaaslike Munisipaliteit by die Mense-regtekommissie (MRK), oor die water op Kenhardt, Kakamas en Keimoes - wat nie geskik is vir menslike gebruik nie, verkla.
Die klagte is teen Obakeng Isaacs, die munisipale be-stuurder, ingedien omdat hy versuim het om sy pligte - met betrekking tot die voorsiening van water en sanitasiedienste - teenoor die gemeenskap na te kom.
Swak waterdruk opgespoor
GEMSBOK-UPINGTON: Die Klippunt/Kalksloot gemeenskappe sukkel gereeld met watervoorsieningsprobleme. Dae, weke en selfs maande gaan verby, waar daar swak waterdruk en soms selfs geen water aan die gemeenskappe gelewer word nie.
Ten spyte daarvan dat Dawid Kruiper Munisipaliteit in Februarie 2023 met groot seremonie ‘n sooispit vir die opgradering van die watervoorsiening- en kleiner werke-projek in Leseding Wyk 12, Kalksloot: Wyk 11 en Swartkopdam: Wyk 16 het hierdie probleem sedert November 2023 weer sy kurkdroë kop uitgesteek.
Rolspelers ruk op na hospitaal
GEMSBOK-UPINGTON: Lede van die Upingtonse gemeenskap het verlede week opgeruk na die Dr Harry Surtie hospitaal, waar ‘n griefskrif met betrekking tot die agteruitgang van die “eens luukse spoghospitaal” aan DHS se uitvoerende direkteur, mnr Chris Seema, te oorhandig.
Dit kom nadat die Gemsbok die vorige week berig het oor die gebrek aan lugversorging en die negatiewe impak wat dit op beide die pasiënte en werknemers van die hospitaal het.
Kort voor die optog by die hospitaal - was die Gemsbok binne die perseel en het ons gevind dat van die lugversoring weer werk. Sommige sale was steeds onmenslik warm - maar dit het voorgekom asof daar daadwerklik gewerk word aan die probleem.
Werkswinkel oor waterwet op Upington gehou
GEMSBOK-UPINGTON: Die direkteur generaal van die departement Water en Sanitasie, dr Sean Phillips, was verlede week op Upington waar belanghebbendes bymekaar gekom het om oor die wysiging van die Nasionale Waterwet (NWA) en Wet op Waterdienste (WSA) te praat.
Die Departement van Water en Sanitasie het 'n proses begin om die nasionale waterwet te wysig. Die doel is om uitgebreide konsultasies in Suid-Afrika te hou wat nodig is vir wetgewing wat die huidige en toekomstige, geslagte sal bevoordeel. Dit sal op sy beurt sal billike watertoewysing aan almal verseker en die toegang en gebruik van water en sanitasie, optimaliseer.
Die wysigings van die twee wetgewings sal die rol van die Departement as ‘n reguleerder van die water- en sanitasiesektor dus beslissend om sosio-ekonomiese uitdagings wat die land in die gesig staar, aanspreek.
More Articles …
