GEMSBOK-UPINGTON: ‘n Raadslid by ZF Mgcawu Distriksmunisipaliteit en algemene assistent - in diens van Dr Harry Surtie Hospitaal in Upington - is op voorsorg skorsing geplaas, omdat hy daarvan beskuldig word dat hy twee vyfliter bottels Staysoft en ‘n vyfliter bottel Sunlight skottelgoedwasmiddel uit die hospitaal se Tuberkulose-eenheid gesteel het.
Luidens die aanklagte het, Deeyone De Koker, na bewering die departement van gesondheid in oneer gebring en probeer om die departement te bedrieg deur die skoonmaakmiddels - wat aan die staat behoort het - sonder die toestemming van sy toesighouer op 23 Junie te verwyder.
Rivierstad sonder water!
GEMSBOK-UPINGTON: Upington se waterkrisis het die afgelope week oorgegaan in dreigende waterbeperkings, ten spyte van aansienlike koste wat oor die afgelope jaar aangegaan is om die infrastruktuur vir water te verbeter.
Inwoners van Klippunt en Kalksloot was in Februarie 2023 baie opgewonde toe ‘n nuwe pyplyn water aan hierdie gemeenskappe begin lewer het. Tans voorsien dit egter geen water nie en huishoudings word deur watertenkwaens bedien.
92 Polisiestasies moet NK misdaad bekamp
GEMSBOK-UPINGTON: Die premier van die Noord-Kaap, dr Zamani Saul, het saam met die LUR vir Vervoer, Veiligheid en Skakeling, Nomandla Bloem en die provinsiale kommissaris, lt gen Koliswa Otola, die 2de kwartaal Misdaadstatistiek by die Premier se kantoor in Kimberley vrygestel.
Die verrigtinge het begin met die oorsig van die misdaadstatistieke vir die tydperk Julie tot September 2023 deur die provinsiale hoof vir misdaadregistrateur, brig Samuel Mathe.
Tydens haar openingstoespraak het lt.genl. Otola gesê dat die misdaadstatistieke alle misdade wat in die Noord-Kaapprovinsie, teen diegene wat in die provinsie woon en diegene wat ongelukkig was om ons provinsie te besoek en uiteindelik slagoffers van een of ander soort misdade was, insluit.
Keelvolle amptenaar maak stem dik
GEMSBOK-UPINGTON: Nadat hy verlede naweek ‘n sosialemedia-plasing oor die verval van die Sakkie se Arkie terrein gemaak het - het Igshaan Sulliman, ‘n amptenaar van die Dawid Kruiper Munisipaliteit, nie net kennis ontvang dat hy geskors kan word of nie langer die munisipale kantore mag betree nie - maar hy het dit op homself geneem om dienslewerings te korte van die munisipaliteit nou onder die vergrootglas te bring.
Duo met meer as R5 miljoen se dagga gearresteer
GEMSBOK-UPINGTON: Twee verdagtes sal na verwagting binnekort in die hof verskyn nadat hulle in besit van dagga ter waarde van meer as R5 miljoen in die Noord-Kaap gevind is.
Die polisiewoordvoerder, sers Omphile Masegela, het gesê die twee verdagtes, onderskeidelik 27 en 44 jaar oud, is Donderdag in die vroeë oggendure in hegtenis geneem.
Die twee is deur lede van die Upington-grenspolisie in hegtenis geneem en word van handel in dagga aangekla.
“Die twee is sowat 20 km buite Upington onderskep na aanleiding van inligting wat ontvang is oor ‘n voertuig wat glo dagga na Upington vervoer het.
More Articles …
