Die Bloumasjien speel Saterdag in die halfeindstryd vir die Noordvaal-beker teen Die Anker. Die manne is nog onoorwonne op hulle tuisveld. Ons vra dat elke liewe Liggie, oud-Liggie en gemeenskaplid hulle sal ondersteun; Saterdag, 17 Augustus om 12:30 op die Fanus Booysen Sportterrein. Verlede week het die span twee wedstryde gespeel en gewen: Pietersburg 36-10 met Rea Motsusi as Man van die wedstryd en Ben Voster 20-13 met Oratile Sekoto as Man van die wedstryd. Die Liggies se o/14A rugbyspan speel ook in die halfeindstryd vir die Noordvaal-beker teen Wesvalia Saterdag, 17 Augustus om 08:30.
Liggies verower medaljes
Tydens die Noordwes-Noord landloopkampioenskappe in Zeerust het drie van Laerskool Lichtenburg se atlete medaljes verower. Hulle is Wihanru Aspeling (goud),
Mianke Liebenberg (silwer) en Mienke
Ludick (brons).
Burgersdorp- hokkie spog
Burgies spog met twee boeties in die eerste- seunshokkiespan,
Ruan en Arno Blignaut en twee sussies, Karli en Danika Breytenbach in die eerste-meisieshokkiespan.
Ondersteun Liggies se Bloumasjien Saterdag
Die Bloumasjien, Hoërskool Lichtenburg se 1ste rugbyspan, is vanjaar nog onoorwonne op hulle tuisveld! Hulle speel hulle derde tuiswedstryd Saterdag, 27 Julie teen Hoërskool Secunda. Die afgelope twee naweke het hulle in die Noordvaal-toernooi teen Hugenote en Die Anker gespeel. Die Bloumasjien het Hugenote vermorsel met 27-14 en Liggie, Dundré Dempers is aangewys as Speler van die wedstryd. Hulle wen ook 37-26 teen Die Anker met Liggie, KG Legodi wat as Speler van die wedstryd aangewys is.
Lichtenburg ruiters presteer
NOORDWESTER – LICHTENBURG - Ruiters van Lichtenburg het die naweek van 12 tot 14 Julie aan die Noordwes SANESA finale (South African National Equestrian Schools Association) deelgeneem te Heartland Equestrian Park, naby Brits.
Ten spyte van baie uitdagings wat insluit dat die ruiters van die platteland kom, het die ruiters in verskillende klasse/afdelings baie goed presteer. Hulle het almal ‘n plek in hul onderskeie klasse behaal.
More Articles …
