BRITS POS – BRITS – ‘n Bekende sakeman van Brits, is in April 2023 op aanklagte van seksuele aanranding en blootstelling van kinders aan pornografie of die vertoning daarvan aan ‘n minderjarige dogter, wat na bewering in sy pleegsorg was, in hegtenis geneem.
Hy het onskuldig gepleit in die Brits Landdroshof, maar verskyn weer in Junie vanjaar in dieselfde hof.
Die man en sy vrou was as pleegouers by die CMR geregistreer en het na wat verneem is, nog dogters tussen die ouderdom van agt en 16 jaar in hul pleegsorg gehad.
AFRIFORUM VERWELKOM KONSTITUSIONELE HOF SE MYLPAAL-BESLISSING - - reg tot Suid-Afrikaanse burgerskap bevestig
BRITS POS- BRITS - AfriForum verwelkom die Konstitusionele Hof se bekragtiging vroeër vandag van ’n 2023-appèlhofbevinding wat beslis het dat artikel 6(1)(a) van die Wet op Suid-Afrikaanse Burgerskap 88 van 1995 ongrondwetlik en ongeldig is.
Die organisasie bestempel vandag se beslissing as ’n mylpaal vir duisende Suid-Afrikaners in die buiteland wat op grond van dié artikel hul burgerskap outomaties verloor het wanneer hulle, sonder ministeriële toestemming, die burgerskap van ’n ander land verkry het.
CMR Brits reik steeds uit
BRITS POS – BRITS – Die Christelike Maatskaplike Raad Noord (CMRN) in Rutgersweg, Brits is ‘n nie-winsgewende organisasie wat daarna strewe om mense, veral kinders, in nood te ondersteun en die afgelope jaar is daar aan 420 behoeftige gesinne kospakkies uitgedeel en sewe kinders is ten volle met skoolklere en skryfbehoeftes toegerus.
Die personeel van CMR Brits is by 350 gesinne betrokke, waarvan 175 pleeggesinne met 206 pleegkinders is.
President Ramaphosa se NGV-wetsontwerp-ondertekening is nou hersienbaar
BRITS POS – BRITS - Die president se besluit om die NGV-wetsontwerp in te stem en te onderteken is hersienbaar omdat alle uitvoerende besluite hersienbaar is kragtens reël 53.
Die regter het gesê: “Daarom is ek van mening dat die president se besluit hersienbaar is in terme van reël 53 en die president is verplig om die rekord van besluit voor te lê en in te dien soos in die reël voorsiening gemaak word.”
Die uitspraak het nie net bevestig dat die president se besluit om die NGV-wetsontwerp in te stem en te onderteken in wetgewing onderhewig is aan hersiening in die hooggeregshof nie, maar het ook beveel dat die redenasie daaragter aangebied word.
Maak Meimaand manjifiek in jou tuin
BRITS POS – BRITS – Maak die beste van die laaste van die warmer dae voor die winter kom en geniet die blomme wat nog in jou tuin floreer.
Winter tuinmaak kan vir plantliefhebbers soos ‘n uitdagende taak lyk, met soveel raad en opinies wat die rondtes op die wye web doen.
Tuinkenners het wyd en syd gaan soek, in die diepste loopgrawe gaan grou, om die antwoorde te soek op die mees algemene vrae wat almal al gevra het wanneer dit by tuinmaak in die kouer seisoen kom.
More Articles …
