GEMSBOK-UPINGTON: : 'n Groot deel van Upington se gemeenskap het Saterdagoggend finaal afskeid geneem van een van sy geliefde oud-onderwyseresse. 
Vera Shirley Daniels is ná 'n betreklik lang siekte in die privaat mediese sentrum hier oorlede. Sy was 78.
 Vera is op 13 Junie 1947 in Carnavon gebore uit 'n gesin van 16 van wyle Hendrik "Toy" en Sarah Elizabeth Julius. Sy het haar  bekwaam as 'n kindertuinonderwyseres aan die Battswood Kollege in Wynberg, Kaapstad. 
In 1967 het haar skoolloopbaan by 'n laerskool in Lutzburg begin en vyf jaar daarna het sy by die Primêre Skool Oranje-Oewer 'n pos aanvaar. Hier het die jong dame skool gehou totdat sy die vrywillige skeidingspakket vir aftrede aanvaar het. 

GEMSBOK-UPINGTON: As deel van die Vrouemaand-vieringe het vroulike beamptes van verskeie wetstoepassingsagentskappe op Dinsdag 5 Augustus 2025 met leerders by Paballelo Hoërskool gesels.
Die inisiatief is gelei deur die Provinsiale Hoof van Proaktiewe Polisiëring en ook die Kampioen van die Vrouenetwerk, brigadier Irene Kopeledi, ondersteun deur die Provinsiale Hoof vir Korporatiewe Kommunikasie en Skakeling, brigadier Mas-hay Gamieldien, die ZFM-distrikskantoor, sowel as die Paballelo-stasiebevelvoerder, luitenant-kolonel Johan Isaacs en SAPD-komponente in die groter Upington-gebied.
Beamptes van die Suid-Afrikaanse Polisiediens is vergesel deur verteenwoordigers van die Departement van Binnelandse Sake, Departement van Korrektiewe Diens- te, Suid-Afrikaanse Nasionale Weermag, Provinsiale Verkeersdepartement, Metropolitaanse en AVBOB.
Die uitreik het gefokus op belangrike jeugontwikkelings- kwessies, insluitend die voorkoming van tienerswangerskappe, die ontmoediging van betrokkenheid by kriminele aktiwiteite en die bevordering van die belangrikheid van gereelde skoolbywoning.
Me. Matebogo Setlai van die Departement van Korrektiewe Dienste het ‘n oorsig gegee van die departement se funksies en aanhoudingprosesse, met die klem op rehabilitasie-inisiatiewe en loopbaangeleenthede binne die departement.
Die Provinsiale Sekretaris van die SAPD se Vrouenetwerk, sersant Venessa Sambo, en adjudant-offisier Mathews Mchlauli, die Kampioen vir Mans vir Verandering, het motiverende boodskappe gelewer wat gefokus was op vrouebemagtiging en die voorkoming van geslagsgebaseerde geweld.
Die program is afgesluit met ‘n musikale optrede deur die Paballelo Hoërskoolkoor, wat leerders geïnspireer en gemotiveerd gelaat het.
Waardigheidspakke is ook aan vroulike leerders by die skool oorhandig, wat deur die deelnemende departemente geskenk is.
As deel van die breër Vrouemaand-viering, sal soortgelyke inisiatiewe regdeur die provinsie gehou word om die belangrike rol van vroue in die samelewing te vier en daaroor te besin. , kolonel Cherelle Ehlers

NC Famous Lodges en die Red Ox Steakhouses het onlangs, saam met Namaqua Wines, ‘n reeks Red Ox-wyne bekend gestel, naamlik die Red Ox White, Red Ox Rose en Red Ox Red. Hierdie wyne is reeds by Namaqua Wines, asook by al die NC Foumous Lodges en die Red Ox Steakhouses beskikbaar.
Die idee vir ‘n huiswyn het van mnr Jean Lambrechts gekom, aldus Nicolaas Rust, groepsbestuurder: operasioneel van Namaqua Wines. 
“Die huiswyne is ‘n eerste vir ons, maar beslis nie die laaste nie en is deel van ons suksesverhaal”, het Abé Colyn, voorsitter van Namaqua Wines se direksie gesê. NC Famous Lodges huur die Die Keldery se restaurant en lokaal sedert verlede jaar en die wyne was ‘n natuurlike uitvloeisel.

Of jy nou op Upington, Kanoneiland of Keimoes bly - Stop22 Padstal is verseker die ideale plek om na weg te breek en jou baterye te laai - terwyl die kinders in die buitelug baljaar.
Die gedagte van Stop 22 Padstal kom al ‘n lang pad. Amper so lank soos die N14! 
In 2012 het die eienaar Marelie Louw – toe  nog Greyling - begin droom van ‘n lekker plekkie om mense en kinders te onthaal, in wat haar nuwe tuisdorp sou word. 
Dinge het langer geneem as beplan en die Louw gesin het uiteindelik platteland toe getrek vanaf Pretoria in 2020, waar Willem Louw Jnr oorspronklik vandaan gekom het. 

GEMSBOK-UPINGTON: Die kaalvoetklong van die Kalahari, Jaco Liebenberg, deel sedert 20 April vanjaar sy “filmpies” op Facebook, onder Jaco Ka-laari.
Hier gesels hy elke dag oor sy doen en late. Die afgelope tyd kon sy volgers jagtyd saam met hom en jagters wat al jare in die Kalahari kom jag, meemaak.
Wat Jaco se geselsies so interessant maak, is dat dit altyd voor die kospotte gedoen word. Hy is van kleins af baie lief vir kosmaak en het altyd sy broodbak en kosfoto’s op Facebook gesit. Toe dink hy, hy gaan kort video’s maak en dit met sy vriende deel.  Die “filmpies” het so gewild geword, dat dit hom nou baie besig hou. 
Jaco is ‘n avonturier in murg en been. Hy hou baie daarvan om rond te reis, veral na onbekende plekke en dit dan met sy vriende te deel. 

GEMSBOK-UPINGTON: Op Mandeladag het Oasis Vaardigheidsentrum besoek ontvang van Land Bank en het gespog met hul verskillende betonblokke en gevestigde groentetuin.
Oasis het ook saam met Land Bank en Lesakatech warmte en waardigheid na 12 sopkombuise regoor Karos, Keimoes en Upington gebring. Saam het hierdie kombuise byna 2000 gemeenskapslede bedien.

GEMSBOK-UPINGTON: Die Dawid Kruiper Munisipaliteit het ‘n dringende persverklaring uitgereik, waarin hy sê dat hy opgemerk het dat lede van die gemeenskap bome in die dorp “en sommige kritieke gebiede sonder die toestemming van die munisipaliteit kap”.
In die persverklaring sê DKM die afkap van bome in ‘n munisipale gebied, sonder toestemming, is onwettig en kan tot aansienlike strawwe lei.  Munisipale verordeninge verbied die onwettige kap van bome. 

GEMSBOK-UPINGTON:  “My broer was sonder twyfel ‘n entrepreneur by uitnemendheid. Hy het hom veral onderskei as kleinsake en sosiale entrepreneur. Hy het groot hoogtes bereik as algemene handelaar in die produksie en bemarkingsbedryf”, het Billy Jonker in ‘n huldeblyk vir sy broer, Randy, gesê. 
Randolph Samuel Jonker, beter bekend as Randy, is op 6 Julie aan natuurlike oorsake by sy huis in Patrickstraat omstreeks 06:00 die oggend oorlede. 
Hy was ‘n welbekende in Upington en omgewing en sal altyd onthou word vir sy handelsnaam “Uncle Randy’s”.

APD Benede-Oranje het na baie jare se aansoeke, hierdie jaar eindelik fondse ontvang vanaf NLC, om ‘n nuwe bussie aan te koop, vir die vervoer van ons persone met gestremdhede, na en van hul wonings, na ons werkswinkel, waar hul daagliks nuwe vaardighede aanleer. Die Iveco Daily is omgebou met ‘n huyser om ons rolstoelgebruikers gemaklik in en uit te laai.   Op die foto staan die dankbare personeel en lede van die Etsikelelo Werkswinkel, voor hul nuwe bus.

Die langverwagte jaarlikse blomvertoning het middel Julie vanjaar amptelik begin en bied besoekers ‘n vroeë kykie na die lewendige blomskouspel wat voorlê. Danksy vroeë reën en konstant koel temperature begin die landskap met kleur ontwaak, wat die begin van ‘n belowende blomseisoen aandui.
Onlangse weerpatrone – gekenmerk deur koue periodes, afwisselende sonskyn en opvolgbuie – het ideale toestande geskep vir dormante sade om te ontkiem. 

UPINGTON: "My pa was 'n stapper. Hy't gehou van die buitelug en was 'n avontuurlustige mens. Hy het baie geoefen, homself  fiks en gesond gehou, sy vrugte en groente geëet en het die lewe voluit geleef. Ons familie was vir hom baie belangrik en hy het gesorg dat daardie band behoue bly".
 Só het Shaun (41) die enigste seun van James Edward Allies met trots aan ons meegedeel. ' n Talentvolle, rustige man, veral bekend om sy talle staproetes en avonture. Jimmy, soos familie, vriende en die gemeenskap hom geken het, is op 1 Julie kort ná 'n fratsongeluk, naby sy huis, in die mediese sorgsentrum, aan 'n ernstige kopbesering oorlede. 

Lauren Cloete, ‘n leerder van Hoërskool Martin Oosthuizen het tydens die Junie vakansie  die Dawrette Heyns Modelskool in New York, Amerika gaan verteenwoordig. 
Met haar prestasies het sy gekwalifiseer om in 2026 aan die New York Fashion week te gaan deelneem. 
Sy is ook deur die Wilhelmina Modelling Agency en New York film academy raakgesien en was die “Model of the Year.”